1 красавіка, Мінск /Кар. БЕЛТА/. Беларусь зацікаўлена ў развіцці адносін са Злучанымі Штатамі Амерыкі, але на базе ўзаемнай павагі. Аб гэтым заявіў начальнік упраўлення інфармацыі і лічбавай дыпламатыі - прэс-сакратар МЗС Беларусі Анатоль Глаз у праграме "Аб'ектыўНа" на тэлеканале АНТ, перадае карэспандэнт БЕЛТА.
"У нас на самай справе ідзе дыялог. Нябожчык намеснік міністра замежных спраў Алег Краўчанка называў такую сітуацыю "крытычны дыялог". Гэта значыць ён ідзе, мы рабочыя кантакты падтрымліваем. І, вядома ж, мы зацікаўлены ў развіцці адносін са Злучанымі Штатамі, але на базе ўзаемнай павагі, суверэнітэту, незалежнасці і іншых асноўных каштоўнасцей у міжнародных адносінах", - заявіў Анатоль Глаз.
Гаворачы аб дзеяннях амерыканскага дыпламата Джулі Фішэр, якая ў канцы 2020 года была назначана паслом ЗША ў Беларусі, прэс-сакратар МЗС заявіў, што беларускі бок успрымае яе толькі як "назначанага пасла", паколькі ў паўнамоцтвы свае яна яшчэ не ўступіла.
Анатоль Глаз таксама пракаменціраваў нядаўні каментарый Міністэрства замежных спраў Беларусі, зроблены ведамствам у сувязі з заявай пасольства ЗША ад 25 сакавіка. Іранічныя выказванні беларускага міністэрства выклікалі бурнае абмеркаванне ў асяроддзі дыпламатаў і грамадстве ў цэлым.
Адказваючы на абвінавачанні ў выкарыстанні недыпламатычных выказванняў, прэс-сакратар МЗС растлумачыў, што за аснову была ўзята заява амерыканскага пасольства, таму ўсе абвінавачанні трэба адрасаваць яму.-0-
