11 красавіка, Мінск /Кар. БЕЛТА/. У Беларусі выклікаюць законную трывогу бескантрольныя дзеянні краін НАТА па нарошчванні паставак узбраенняў ва Украіну. Аб гэтым заявіў намеснік міністра замежных спраў Беларусі Юрый Амбразевіч, выступаючы 10 красавіка на пасяджэнні Савета Бяспекі ААН "Пагрозы міжнароднаму міру і бяспецы: рызыкі, якія ўзнікаюць з парушэнняў пагадненняў, што рэгулююць экспарт узбраенняў і ваеннай тэхнікі", паведамляе карэспандэнт БЕЛТА.
"Сёння ў Беларусі, якая знаходзіцца ў непасрэднай блізкасці ад украінскіх падзей, не могуць не выклікаць законную трывогу бескантрольныя дзеянні краін НАТА па нарошчванні паставак узбраенняў ва Украіну, як і іх прамыя наступствы, а менавіта распаўзанне зброі па рэгіёне і яе траплянне ў рукі недзяржаўных і тэрарыстычных структур", - падкрэсліў Юрый Амбразевіч.-0-
