ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +26°C
Усе навіны
Усе навіны
Палітыка
09 лютага 2022, 13:43

МЗС: Беларусь вітае любыя канструктыўныя прапановы, накіраваныя на зніжэнне напружанасці ў свеце

Фота з архіва
Фота з архіва

9 лютага, Масква /Эдуард Півавар - БЕЛТА/. Беларусь вітае любыя канструктыўныя прапановы, накіраваныя на зніжэнне напружанасці ў свеце. Аб гэтым заявіў намеснік міністра замежных спраў Беларусі Сяргей Алейнік у звароце да ўдзельнікаў канферэнцыі "Калектыўная бяспека ў новую эпоху: вопыт і перспектывы АДКБ", якая праходзіць сёння ў Маскве на пляцоўцы міжнароднага дыскусійнага клуба "Валдай" пры падтрымцы МЗС Расіі, перадае карэспандэнт БЕЛТА.

Зварот намесніка кіраўніка МЗС агучыў пастаянны і паўнамоцны прадстаўнік Беларусі пры АДКБ Вячаслаў Раменчык. "Як краіна, якая вылучыла ініцыятыву аб неабходнасці запуску шырокага міжнароднага дыялогу па пераадоленні міждзяржаўных супярэчнасцей і аднаўленні даверу, Беларусь вітае любыя канструктыўныя прапановы, накіраваныя на зніжэнне напружанасці, умацаванне міжнароднай і рэгіянальнай бяспекі і стратэгічнай стабільнасці, - заявіў намеснік кіраўніка МЗС Беларусі. - Разлічваем на прадметнае абмеркаванне расійскіх ініцыятыў як у двухбаковым, так і ў шматбаковым фарматах. Гатовы прыняць актыўны ўдзел у гэтым працэсе".

На думку Сяргея Алейніка, расійскія праекты пагадненняў з ЗША і НАТА аб гарантыях бяспекі - значная прапанова да дыялогу па пабудове агульнаеўрапейскай архітэктуры бяспекі, якая задавольвала б усе краіны рэгіёна і не ўшчамляла нічыіх інтарэсаў. "У канцы студзеня Расіі былі перададзены пісьмовыя адказы Вашынгтона і Бруселя. Лічу, што іх змест наўрад ці задаволіць расійскі бок. Аднак тут важны таксама сам факт абмену думкамі і пачатку дыялогу, які павінен зблізіць падыходы бакоў і прывесці іх да адной роўніцы", - сказаў ён.

Пры гэтым, падкрэсліў намеснік кіраўніка МЗС Беларусі, важны дыялог не толькі па лініі дзяржаў, але і міжнародных арганізацый, якія забяспечваюць бяспеку на еўразійскай і еўрапейскай прасторы. "АДКБ заўсёды адкрыта для дыялогу, чаго нельга сказаць пра НАТА, якая да гэтага часу ўхіляецца ад дыялогу з нашай арганізацыяй", - канстатаваў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі