Фота з архіва
1 ліпеня, Мінск /Кар. БЕЛТА/. Беларусь падрыхтавала асіметрычныя меры ў адказ на новыя санкцыі Еўрасаюза. Аб гэтым БЕЛТА заявіў прэс-сакратар МЗС Беларусі Анатоль Глаз, каменціруючы ўвядзенне чарговых абмежавальных мер ЕС у адносінах да Беларусі.
"Усе гэтыя шматлікія санкцыйныя рашэнні ЕС аб'ядноўвае галоўнае - поўная бесперспектыўнасць дасягнення іх дэструктыўных мэт. Чым раней еўрабюракраты гэта зразумеюць - тым менш шкоды яны паспеюць нанесці еўрапейскаму ж бізнесу і насельніцтву, - сказаў Анатоль Глаз. - Для нас жа гэтыя новыя абмежавальныя меры - цалкам прахадны этап. У нас шмат планаў развіцця, актыўна працуе эканоміка і, шчыра сказаць, наперадзе вельмі шмат спраў і праектаў".
Прэс-сакратар МЗС адзначыў, што краіна рыхтуецца да Дня Незалежнасці, на гэтым тыдні плануе стаць паўнапраўным членам ШАС. У планах таксама шэраг сур'ёзных замежных візітаў і запуск значных кааперацыйных праграм з тымі краінамі, якія хочуць развіваць узаемавыгаднае супрацоўніцтва. "А такіх краін у свеце большасць", - заўважыў ён.
"На гэтым фоне спробы кіраўніцтва ЕС сваімі незаконнымі санкцыйнымі пакетамі спыніць наша развіццё выглядаюць крыху камічна. Відавочна, што рашэнні, прынятыя ў спешцы, каб паспець да змены старшынства, на справе ўзмоцняць нас яшчэ больш, актывізуюць узаемадзеянне з ключавымі партнёрамі, прынясуць дыскамфорт перш за ўсё еўрапейцам і ў канчатковым выніку яшчэ больш аслабяць сам Еўрасаюз", - сказаў Анатоль Глаз.
Ён сумняваецца, што пры такіх падыходах, якія не падзяляюцца глабальнай большасцю, Еўрасаюзу ўдасца прэтэндаваць у будучым хоць на якую-небудзь важкую ролю ў новым светапарадку.
Паводле слоў Анатоля Глаза, урадам Беларусі падрыхтаваны ўжо комплекс асіметрычных мер у адказ. Яны будуць звязаны з узмацненнем умоў імпарту і дзейнасці ў Беларусі суб'ектаў з недружалюбных краін. "Яшчэ раз падкрэсліваем, што гэтыя крокі з нашага боку не з'яўляюцца ініцыятыўнымі, і ўся віна за гэта ляжыць на ініцыятарах санкцый - кіраўніцтве ЕС. Хоць па-ранейшаму перакананы, што для зняцця ўзаемных прэтэнзій больш эфектыўны не абмен рэстрыкцыямі, а дыялог, да якога Беларусь гатова ў любых фарматах і па любых самых вострых пытаннях", - дадаў прадстаўнік МЗС.-0-
"Усе гэтыя шматлікія санкцыйныя рашэнні ЕС аб'ядноўвае галоўнае - поўная бесперспектыўнасць дасягнення іх дэструктыўных мэт. Чым раней еўрабюракраты гэта зразумеюць - тым менш шкоды яны паспеюць нанесці еўрапейскаму ж бізнесу і насельніцтву, - сказаў Анатоль Глаз. - Для нас жа гэтыя новыя абмежавальныя меры - цалкам прахадны этап. У нас шмат планаў развіцця, актыўна працуе эканоміка і, шчыра сказаць, наперадзе вельмі шмат спраў і праектаў".
Прэс-сакратар МЗС адзначыў, што краіна рыхтуецца да Дня Незалежнасці, на гэтым тыдні плануе стаць паўнапраўным членам ШАС. У планах таксама шэраг сур'ёзных замежных візітаў і запуск значных кааперацыйных праграм з тымі краінамі, якія хочуць развіваць узаемавыгаднае супрацоўніцтва. "А такіх краін у свеце большасць", - заўважыў ён.
"На гэтым фоне спробы кіраўніцтва ЕС сваімі незаконнымі санкцыйнымі пакетамі спыніць наша развіццё выглядаюць крыху камічна. Відавочна, што рашэнні, прынятыя ў спешцы, каб паспець да змены старшынства, на справе ўзмоцняць нас яшчэ больш, актывізуюць узаемадзеянне з ключавымі партнёрамі, прынясуць дыскамфорт перш за ўсё еўрапейцам і ў канчатковым выніку яшчэ больш аслабяць сам Еўрасаюз", - сказаў Анатоль Глаз.
Ён сумняваецца, што пры такіх падыходах, якія не падзяляюцца глабальнай большасцю, Еўрасаюзу ўдасца прэтэндаваць у будучым хоць на якую-небудзь важкую ролю ў новым светапарадку.
Паводле слоў Анатоля Глаза, урадам Беларусі падрыхтаваны ўжо комплекс асіметрычных мер у адказ. Яны будуць звязаны з узмацненнем умоў імпарту і дзейнасці ў Беларусі суб'ектаў з недружалюбных краін. "Яшчэ раз падкрэсліваем, што гэтыя крокі з нашага боку не з'яўляюцца ініцыятыўнымі, і ўся віна за гэта ляжыць на ініцыятарах санкцый - кіраўніцтве ЕС. Хоць па-ранейшаму перакананы, што для зняцця ўзаемных прэтэнзій больш эфектыўны не абмен рэстрыкцыямі, а дыялог, да якога Беларусь гатова ў любых фарматах і па любых самых вострых пытаннях", - дадаў прадстаўнік МЗС.-0-
Падпісвайцеся на нас у
