25 студзеня, Мінск /Кар. БЕЛТА/. Беларусь не нясе пагрозы рэгіянальнаму і глабальнаму міру і бяспецы. Аб гэтым заявіў журналістам начальнік упраўлення інфармацыі і лічбавай дыпламатыі - прэс-сакратар МЗС Беларусі Анатоль Глаз, камерціруючы праведзенае нефармальнае мерапрыемства, прысвечанае свабодзе медыя ў Беларусі, паведамляе БЕЛТА.
"Пастаянны прадстаўнік Беларусі пры ААН Валянцін Рыбакоў максімальна рэлевантна і паўнацела абазначыў наша стаўленне да гэтага дзейства. Можна паставіць кропку. Беларусь не нясе пагрозы рэгіянальнаму і глабальнаму міру і бяспецы, ніякім чынам не пагражае цэласнасці і суверэнітэту іншых дзяржаў, не ўмешваецца ў іх унутраныя справы. Мне цяжка ўявіць, што нехта ў здаровым розуме можа сцвярджаць адваротнае. Ну а ад нездаровых фантазій і ненармальнага ўспрымання ніхто не застрахаваны. Далей высновы рабіце самі", - сказаў афіцыйны прадстаўнік знешнепалітычнага ведамства.
Ён назваў прыемным, што партнёры Беларусі такой жа думкі: "Не магу не адзначыць у гэтым кантэксце заяву пастаяннага прадстаўніка Расіі Васіля Нябензі. Упэўнены, што большасці краін - членаў ААН гэта таксама ясна".
Прэс-сакратар МЗС прывёў даныя "Рэпарцёраў без межаў" аб тым, што ў мінулым годзе ў сувязі з прафесійнай дзейнасцю былі забіты 50 журналістаў, дзве трэці з якіх - у "мірных краінах". "Літаральна ў гэтыя дні мы назіраем адвольныя блакіроўкі шматмільённых акаўнтаў за выказванне альтэрнатыўнага меркавання ў сацыяльных сетках, што ўзрушыла сусветную супольнасць. На вуснах ва ўсіх канкрэтныя выпадкі масавай фільтрацыі кантэнту па палітычных матывах і гэтак далей. Аднак, адмыслова сімуліруючы падтрыманне свабоды СМІ, асобныя краіны ініцыявалі мерапрыемства менавіта па нашай краіне. Мэты зразумелыя", - адзначыў Анатоль Глаз.
Дыскусія праходзіла па формуле Арыі, інакш кажучы, мела нефармальны характар. Гэты працэс названы ў гонар пасла Венесуэлы Дыега Арыі, які пачаў прымяняць гэту практыку ў 1992 годзе. Любы член Савета Бяспекі ААН можа склікаць сустрэчы ў такім фармаце, а таксама запрашаць на іх дакладчыкаў з ліку грамадскіх дзеячаў або НКА. Іншыя краіны не могуць заблакіраваць правядзенне пасяджэння, аднак яно праходзіць не ў зале Савета Бяспекі, на ім не выпрацоўваецца ніякіх рэзалюцый або іншых афіцыйных дакументаў. Іншыя члены Савета пры жаданні могуць адмовіцца ад удзелу ў сустрэчы.-0-
