ДЗЯРЖОРГАНЫДЗЯРЖОРГАНЫ
Флаг Пятніца, 24 верасня 2021
Мінск Воблачна з праясненнямі +11°C
Усе навіны
Усе навіны
Палітыка
23 ліпеня 2021, 15:40

МЗС актуалізавала прыярытэты знешнеэканамічнай і знешнепалітычнай дзейнасці загранустаноў

Фота з архіва
Фота з архіва

23 ліпеня, Мінск /Кар. БЕЛТА/. У Міністэрстве замежных спраў 23 ліпеня падвялі вынікі штогадовага семінара кіраўнікоў дыпламатычных прадстаўніцтваў і консульскіх устаноў Беларусі. На нарадзе з удзелам міністра замежных спраў Уладзіміра Макея абмеркаваны праблемныя аспекты знешнепалітычнай і знешнеэканамічнай дзейнасці і вызначаны канкрэтныя мэты беларускай дыпламатыі і кола актуальных задач на бліжэйшую перспектыву, паведамілі БЕЛТА ў прэс-службе ведамства.

Паводле інфармацыі прэс-службы МЗС, Уладзімір Макей падрабязна акрэсліў ключавыя аспекты выбудоўвання двухбаковага супрацоўніцтва з асноўнымі партнёрамі Беларусі ў краінавым і рэгіянальным разрэзах, вылучыў найбольш перспектыўныя напрамкі развіцця шматбаковага ўзаемадзеяння на пляцоўках міжнародных арганізацый і ў інтэграцыйных аб'яднаннях. "Асаблівая ўвага ўдзелена пашырэнню гандлёва-эканамічнага парадку ў новых умовах масіраванага санкцыйнага націску і абвостранай сусветнай канкурэнцыі. Прыярытэтнымі для беларускіх дыпмісій застаюцца пытанні павышэння эфектыўнасці знешнеэканамічнай дзейнасці, процідзеяння агрэсіўным дыскрымінацыйным мерам, паляпшэння якаснай структуры экспарту тавараў і паслуг, умацавання тавараправоднай сеткі беларускіх прадпрыемстваў", - падкрэслілі ў МЗС.

Асобная ўвага ў гэтым кантэксце ўдзелена традыцыйным партнёрам, у тым ліку рынку ЕАЭС, і новым нішам у краінах далёкай дугі. Абмяркоўвалася падчас нарады і ўзрастаючая значнасць інфармацыйна-аналітычнага кампанента работы беларускіх дыпмісій. Канстатавана непрапарцыянальна высокая ступень уплыву асобных інфапрычын, перш за ўсё штучных, на развіццё міждзяржаўных адносін і фарміраванне вакол той ці іншай праблематыкі інтэрсуб'ектыўнай рэальнасці, што адрозніваецца ад рэчаіснасці.

Дыпламаты маюць намер паглыбляць напрацаваны пазітыўны патэнцыял супрацоўніцтва па пытаннях, якія маюць глабальны характар і закранаюць усіх актараў міжнародных адносін. У прыватнасці, пашыраць такія беларускія ініцыятывы, як барацьба з гандлем людзьмі, супрацоўніцтва краін з сярэднім узроўнем даходу, стварэнне пояса лічбавага добрасуседства, а таксама кааперацыю для выканання ўніверсальных міжнародных дакументаў, напрыклад, Парадку дня ААН у галіне ўстойлівага развіцця да 2030 года.

У фокусе ўвагі нарады былі таксама пытанні беларускай дыяспары, аказання ўсебаковага садзейнічання і дапамогі беларусам, якія апынуліся ў цяжкіх сітуацыях за мяжой, далейшае адточванне і ўдасканаленне метадаў антыкрызіснага рэагавання беларускай дыпламатыі на пазаштатныя сітуацыі міжнароднага парадку дня, тэматыка маючага адбыцца старшынства Беларусі ў АДКБ, міжнароднае ўзаемадзеянне па пытаннях функцыянавання БелАЭС і іншыя.

За час тыднёвага семінара кіраўнікі беларускіх дыпмісій наведалі Беларускую ўніверсальную таварную біржу, Беларускую нацыянальную біятэхналагічную карпарацыю і прадпрыемства "Штадлер Мінск", правялі шэраг дзелавых сустрэч з кіраўніцтвам профільных міністэрстваў і ведамстваў, індывідуальныя кансультацыі з кіраўнікамі дзяржаўных органаў, прадстаўнікамі топ-менеджменту прадпрыемстваў-экспарцёраў.

Як паведамлялася, цэнтральным мерапрыемствам стала сустрэча дыпламатаў з кіраўніком дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі