Фота з архіва
16 снежня, Мінск /Кар. БЕЛТА/. Афіцыйнага запыту ад Вільнюса на арганізацыю сустрэчы з беларускім бокам не паступала. Аб гэтым заявіў прэс-сакратар Міністэрства замежных спраў Беларусі Руслан Варанкоў, паведамляе карэспандэнт БЕЛТА.
"Хацелі б адзначыць эвалюцыю публічных заяў літоўскага боку, які перайшоў ад катэгарычнай адмовы ад любога палітычнага дыялогу да выказвання гатоўнасці да кантактаў на ўзроўні пасла па асаблівых даручэннях, - сказаў Руслан Варанкоў. - Пры гэтым мы канстатуем, што, нягледзячы на такую змену рыторыкі ў медыяпрасторы, ніякай афіцыйнай прапановы або запыту на арганізацыю сустрэчы па дыпламатычных каналах ад Вільнюса не паступала".
Прэс-сакратар беларускага знешнепалітычнага ведамства падкрэсліў, што такі разрыў паміж публічнымі заявамі і адсутнасцю канкрэтных афіцыйных крокаў ускладняе ацэнку рэальнасці намераў літоўскага боку. "У сваю чаргу, Беларусь паслядоўна і адказна падыходзіць да пытання дыялогу і чарговы раз пацвярджае сваю адкрытасць для кансультацый на адпаведным узроўні ў мэтах абмеркавання ўсяго комплексу двухбаковых праблем, уключаючы пагранічныя", - дадаў ён.
Руслан Варанкоў нагадаў, што для гэтага існуе трывалая прававая аснова. Так, пункт 1.6 артыкула 31 дагавора аб рэжыме беларуска-літоўскай дзяржаўнай граніцы непасрэдна прадпісвае бакам, якія не дасягнулі дамоўленасці паміж пагранічнымі ўпаўнаважанымі, урэгуляваць рознагалоссі на дыпламатычным узроўні.
"Такім чынам, мы чакаем, што публічная гатоўнасць Літвы будзе, нарэшце, падмацавана канкрэтнай афіцыйнай прапановай. Пасля гэтага беларускі бок гатовы неадкладна пачаць прадметную работу", - запэўніў прэс-сакратар МЗС Беларусі.-0-
"Хацелі б адзначыць эвалюцыю публічных заяў літоўскага боку, які перайшоў ад катэгарычнай адмовы ад любога палітычнага дыялогу да выказвання гатоўнасці да кантактаў на ўзроўні пасла па асаблівых даручэннях, - сказаў Руслан Варанкоў. - Пры гэтым мы канстатуем, што, нягледзячы на такую змену рыторыкі ў медыяпрасторы, ніякай афіцыйнай прапановы або запыту на арганізацыю сустрэчы па дыпламатычных каналах ад Вільнюса не паступала".
Прэс-сакратар беларускага знешнепалітычнага ведамства падкрэсліў, што такі разрыў паміж публічнымі заявамі і адсутнасцю канкрэтных афіцыйных крокаў ускладняе ацэнку рэальнасці намераў літоўскага боку. "У сваю чаргу, Беларусь паслядоўна і адказна падыходзіць да пытання дыялогу і чарговы раз пацвярджае сваю адкрытасць для кансультацый на адпаведным узроўні ў мэтах абмеркавання ўсяго комплексу двухбаковых праблем, уключаючы пагранічныя", - дадаў ён.
Руслан Варанкоў нагадаў, што для гэтага існуе трывалая прававая аснова. Так, пункт 1.6 артыкула 31 дагавора аб рэжыме беларуска-літоўскай дзяржаўнай граніцы непасрэдна прадпісвае бакам, якія не дасягнулі дамоўленасці паміж пагранічнымі ўпаўнаважанымі, урэгуляваць рознагалоссі на дыпламатычным узроўні.
"Такім чынам, мы чакаем, што публічная гатоўнасць Літвы будзе, нарэшце, падмацавана канкрэтнай афіцыйнай прапановай. Пасля гэтага беларускі бок гатовы неадкладна пачаць прадметную работу", - запэўніў прэс-сакратар МЗС Беларусі.-0-
Падпісвайцеся на нас у
