ДЗЯРЖОРГАНЫДЗЯРЖОРГАНЫ
Флаг Серада, 30 лістапада 2022
Мінск -3°C
Усе навіны
Усе навіны
Палітыка
16 верасня 2022, 16:50

Мяжэвіч: Беларусь і Расія ўмацоўваюць адносіны ў тым ліку і праз парадыпламатыю

Фота з архіва
Фота з архіва

16 верасня, Мінск /Кар. БЕЛТА/. Парадыпламатыя як форма ўстанаўлення і развіцця адносін паміж дзяржавамі даўно даказала эфектыўнасць, паведаміў карэспандэнту БЕЛТА кіраўнік Цэнтра беларускіх даследаванняў Інстытута Еўропы РАН Мікалай Мяжэвіч.

Супрацоўніцтва частак розных краін, гарадоў і сталіц дае магчымасць утварыць шматузроўневыя сувязі. "Ідэя простая - перш чым узняць на новы ўзровень супрацоўніцтва ў маштабе краін, трэба пазнаёміць паміж сабой жыхароў, бізнесменаў, студэнцкія, рэлігійныя, эканамічныя арганізацыі. Калі сувязі і кантакты паміж двума народамі будуць замацаваны на шматлікіх узроўнях і ў розных фарматах, тады і міждзяржаўныя адносіны будуюцца лягчэй. Заўважу, што эканамічная дыпламатыя - не прыярытэтны напрамак. Яна заўсёды ідзе другой. Спачатку складваюцца адносіны паміж жыхарамі краін, а бізнес пачынаецца ўжо на наступным этапе", - тлумачыць эксперт.

Ён адзначае, што Беларусь і Расія выкарыстоўваюць для ўмацавання адносін менавіта парадыпламатыю. У прыватнасці, аб гэтым сведчыць той факт, што ў дзень святкавання 955-годдзя Мінска быў падпісаны шэраг пагадненняў аб супрацоўніцтве паміж беларускай сталіцай і расійскімі гарадамі. З усімі імі ў Беларусі ёсць рэальныя перспектывы супрацоўніцтва ў розных сферах, у тым ліку ў гандлёва-эканамічнай. "Добрыя эканамічныя сувязі ўзнікаюць тады, калі ўдзельнікі вырабляюць розныя тавары і паслугі. Напрыклад, у Беларусі няма мора. У Крыме, дзе знаходзіцца Севастопаль, з якім Мінск падпісаў пагадненне аб супрацоўніцтве, яно ёсць. Крымскія марскія гавані маюць выхад у тыя краіны і рэгіёны, дзе беларуская прадукцыя вельмі запатрабавана: Блізкі Усход, Паўночная Афрыка, Паўднёвая Азія, Турцыя. У сваю чаргу ў Беларусі ёсць тое, чаго не хапае Крыму. Напрыклад, лясоў, якія даюць магчымасць рабіць дамы з клеенага бруса, і тэхналогій па іх вырабе. Вось усяго адзін просты прыклад, які паказвае выгаду двухбаковых адносін", - гаворыць Мікалай Мяжэвіч.

У цэлым эканомікі Беларусі і Расіі моцныя менавіта ўзаемадзеяннем, упэўнены эксперт. У такім фармаце не толькі лягчэй процістаяць санкцыям, але і выходзіць на рынкі трэціх краін. "У прыватнасці, многія прадукты машынабудавання ў Беларусі і Расіі сумесныя. Перспектывы па ўсіх напрамках у нас цудоўныя: у тым ліку па ваенна-прамысловым комплексе, шырокім грамадзянскім машынабудаванні, па сельгастэхніцы шмат зроблена, па вытворчасці транспартнага абсталявання", - лічыць кіраўнік Цэнтра беларускіх даследаванняў Інстытута Еўропы РАН.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі