2 сакавіка, Брэсцкая вобласць /Кар. БЕЛТА/. Украінскі бок прыбудзе на перагаворы раніцай 3 сакавіка. Аб гэтым заявіў сёння журналістам кіраўнік расійскай дэлегацыі на перагаворах з украінскім бокам памочнік Прэзідэнта Расіі Уладзімір Мядзінскі, перадае карэспандэнт БЕЛТА.
"Наколькі я ведаю, украінская дэлегацыя ўжо выехала з Кіева, цяпер знаходзіцца ў дарозе. Мы прыехалі раней. Яны, напэўна, будуць заўтра раніцай", - сказаў Уладзімір Мядзінскі.
Ён дадаў, што расійскі бок з разуменнем ставіцца да "складанасцей лагістыкі" ўкраінскага боку. "Нашы ваенныя забяспечваюць адпаведны калідор бяспекі для перамяшчэння па Украіне. Чакаем іх заўтра", - дадаў кіраўнік расійскай дэлегацыі.-0-