6 лютага, Мінск /Кар. БЕЛТА/. Старшыня Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы Сяргей Алейнік 6 лютага сустрэўся з Надзвычайным і Паўнамоцным Паслом Кітайскай Народнай Рэспублікі Чжан Вэйчуанем, паведамляе БЕЛТА.
Сяргей Алейнік павіншаваў пасла КНР з надыходзячым кітайскім Новым годам - святам Вясны.
На сустрэчы размова ішла аб далейшым развіцці ўсепагоднага і ўсебаковага стратэгічнага супрацоўніцтва паміж Беларуссю і Кітаем па самых розных напрамках, у тым ліку міжпарламенцкім. Бакі пазітыўна ацанілі беларуска-кітайскае ўзаемадзеянне ў мінулым годзе, які быў насычаны актыўным двухбаковым парадкам дня на ўсіх узроўнях.
Старшыня Пастаяннай камісіі Савета Рэспублікі звярнуў увагу на важнасць праведзеных у 2025 годзе двух візітаў Прэзідэнта Беларусі Аляксандра Лукашэнкі ў КНР, якія садзейнічалі далейшаму паглыбленню стратэгічнага партнёрства паміж нашымі краінамі.
Сяргей Алейнік таксама адзначыў паспяховую рэалізацыю сумесных праектаў у рамках кітайскай ініцыятывы "Адзін пояс, адзін шлях", у якой актыўна ўдзельнічае Беларусь. Ён падкрэсліў, што па выніках 2025 года краіны выйшлі на новы гістарычны максімум ва ўзаемным гандлі. Старшыня Пастаяннай камісіі лічыць, што правядзенне Гадоў прамысловай кааперацыі паміж Беларуссю і Кітаем у 2026-2027 гадах пасадзейнічае яшчэ большай актывізацыі двухбаковых кантактаў.
На сустрэчы бакі назвалі важным міжпарламенцкае вымярэнне ва ўсім маштабным комплексе беларуска-кітайскага ўзаемадзеяння. Дарэчы, у топ-10 важнейшых падзей двухбаковага супрацоўніцтва па выніках 2025 года пасольства КНР у Рэспубліцы Беларусь вызначыла і другое пасяджэнне Камітэта па супрацоўніцтве паміж заканадаўчымі органамі дзвюх краін, сустаршынямі якога выступілі старшыня Савета Рэспублікі Нацыянальнага сходу Беларусі Наталля Качанава і намеснік старшыні Пастаяннага камітэта Усекітайскага сходу народных прадстаўнікоў Чжан Цынвэй.
Сяргей Алейнік і Чжан Вэньчуань пацвердзілі гатоўнасць і далей развіваць міжпарламенцкае супрацоўніцтва. У час сустрэчы закраналася таксама тэма міжрэгіянальных сувязей паміж Беларуссю і Кітаем. Кожная вобласць Беларусі і горад Мінск маюць па тры і больш пабрацімскія рэгіёны, чым забяспечаны ахоп практычна ўсіх правінцый Кітая. Заключаны пагадненні аб устанаўленні і развіцці супрацоўніцтва на ўзроўні "горад - горад" паміж абласнымі цэнтрамі і гарадамі Беларусі з адміністрацыйнымі цэнтрамі і гарадамі цэнтральнага падпарадкавання Кітая, выбудавана сістэмнае і прамое ўзаемадзеянне. Акрамя таго, штогод узгадняюцца дарожныя карты міжрэгіянальнага супрацоўніцтва. Яны прадугледжваюць узаемадзеянне ў гандлёва-эканамічнай сферы, а таксама ў сельскай гаспадарцы, навукова-тэхнічных інавацыях, сацыяльнай галіне.
"Спадзяюся, што ў бліжэйшай перспектыве мы зможам выйсці на правядзенне форуму рэгіёнаў Беларусі і Кітая. Ёсць значная дагаворна-прававая база міжрэгіянальнага супрацоўніцтва, якая ўключае больш за 100 дакументаў і ўзаемнае імкненне да пашырэння кантактаў паміж рэгіёнамі", - адзначыў Сяргей Алейнік.
У сваю чаргу пасол КНР у Беларусі высока ацаніў вынікі супрацоўніцтва дзвюх краін у мінулым годзе па ўсіх напрамках. Чжан Вэньчуань падкрэсліў, што і ў далейшым пасольства Кітая мае намер прыкладаць усе неабходныя намаганні для падтрымкі міжпарламенцкага ўзаемадзеяння, а таксама кантактаў паміж міністэрствамі і ведамствамі, бізнес-коламі.
Бакі таксама дэталёва абмеркавалі графік маючых адбыцца на 2026 год мерапрыемстваў і сустрэч. Акрамя таго, яны абмяняліся думкамі па далейшым развіцці ўзаемадзеяння паміж маладзёжнымі і жаночымі арганізацыямі дзвюх краін.-0-
Сяргей Алейнік павіншаваў пасла КНР з надыходзячым кітайскім Новым годам - святам Вясны.
На сустрэчы размова ішла аб далейшым развіцці ўсепагоднага і ўсебаковага стратэгічнага супрацоўніцтва паміж Беларуссю і Кітаем па самых розных напрамках, у тым ліку міжпарламенцкім. Бакі пазітыўна ацанілі беларуска-кітайскае ўзаемадзеянне ў мінулым годзе, які быў насычаны актыўным двухбаковым парадкам дня на ўсіх узроўнях.
Старшыня Пастаяннай камісіі Савета Рэспублікі звярнуў увагу на важнасць праведзеных у 2025 годзе двух візітаў Прэзідэнта Беларусі Аляксандра Лукашэнкі ў КНР, якія садзейнічалі далейшаму паглыбленню стратэгічнага партнёрства паміж нашымі краінамі.
Сяргей Алейнік таксама адзначыў паспяховую рэалізацыю сумесных праектаў у рамках кітайскай ініцыятывы "Адзін пояс, адзін шлях", у якой актыўна ўдзельнічае Беларусь. Ён падкрэсліў, што па выніках 2025 года краіны выйшлі на новы гістарычны максімум ва ўзаемным гандлі. Старшыня Пастаяннай камісіі лічыць, што правядзенне Гадоў прамысловай кааперацыі паміж Беларуссю і Кітаем у 2026-2027 гадах пасадзейнічае яшчэ большай актывізацыі двухбаковых кантактаў.
На сустрэчы бакі назвалі важным міжпарламенцкае вымярэнне ва ўсім маштабным комплексе беларуска-кітайскага ўзаемадзеяння. Дарэчы, у топ-10 важнейшых падзей двухбаковага супрацоўніцтва па выніках 2025 года пасольства КНР у Рэспубліцы Беларусь вызначыла і другое пасяджэнне Камітэта па супрацоўніцтве паміж заканадаўчымі органамі дзвюх краін, сустаршынямі якога выступілі старшыня Савета Рэспублікі Нацыянальнага сходу Беларусі Наталля Качанава і намеснік старшыні Пастаяннага камітэта Усекітайскага сходу народных прадстаўнікоў Чжан Цынвэй.
Сяргей Алейнік і Чжан Вэньчуань пацвердзілі гатоўнасць і далей развіваць міжпарламенцкае супрацоўніцтва. У час сустрэчы закраналася таксама тэма міжрэгіянальных сувязей паміж Беларуссю і Кітаем. Кожная вобласць Беларусі і горад Мінск маюць па тры і больш пабрацімскія рэгіёны, чым забяспечаны ахоп практычна ўсіх правінцый Кітая. Заключаны пагадненні аб устанаўленні і развіцці супрацоўніцтва на ўзроўні "горад - горад" паміж абласнымі цэнтрамі і гарадамі Беларусі з адміністрацыйнымі цэнтрамі і гарадамі цэнтральнага падпарадкавання Кітая, выбудавана сістэмнае і прамое ўзаемадзеянне. Акрамя таго, штогод узгадняюцца дарожныя карты міжрэгіянальнага супрацоўніцтва. Яны прадугледжваюць узаемадзеянне ў гандлёва-эканамічнай сферы, а таксама ў сельскай гаспадарцы, навукова-тэхнічных інавацыях, сацыяльнай галіне.
"Спадзяюся, што ў бліжэйшай перспектыве мы зможам выйсці на правядзенне форуму рэгіёнаў Беларусі і Кітая. Ёсць значная дагаворна-прававая база міжрэгіянальнага супрацоўніцтва, якая ўключае больш за 100 дакументаў і ўзаемнае імкненне да пашырэння кантактаў паміж рэгіёнамі", - адзначыў Сяргей Алейнік.
У сваю чаргу пасол КНР у Беларусі высока ацаніў вынікі супрацоўніцтва дзвюх краін у мінулым годзе па ўсіх напрамках. Чжан Вэньчуань падкрэсліў, што і ў далейшым пасольства Кітая мае намер прыкладаць усе неабходныя намаганні для падтрымкі міжпарламенцкага ўзаемадзеяння, а таксама кантактаў паміж міністэрствамі і ведамствамі, бізнес-коламі.
Бакі таксама дэталёва абмеркавалі графік маючых адбыцца на 2026 год мерапрыемстваў і сустрэч. Акрамя таго, яны абмяняліся думкамі па далейшым развіцці ўзаемадзеяння паміж маладзёжнымі і жаночымі арганізацыямі дзвюх краін.-0-
Падпісвайцеся на нас у
