ДЗЯРЖОРГАНЫДЗЯРЖОРГАНЫ
Флаг Нядзеля, 7 жніўня 2022
Мінск Ясна +13°C
Усе навіны
Усе навіны
Палітыка
04 лютага 2022, 13:59

Міцкевіч: у Беларусі і Дамініканы ёсць магчымасці для развіцця двухбаковых адносін

Фота з архіва
Фота з архіва

4 лютага, Мінск /Кар. БЕЛТА/. У Беларусі і Дамініканскай Рэспублікі ёсць магчымасці для развіцця двухбаковых адносін, заявіў намеснік старшыні Палаты прадстаўнікоў Валерый Міцкевіч падчас сустрэчы з Надзвычайным і Паўнамоцным Паслом Дамініканскай Рэспублікі ў Расіі і Беларусі па сумяшчальніцтве Франкам Хансам Даненбергам Кастэльянасам, перадае карэспандэнт БЕЛТА.

"Віншую з афіцыйным пачаткам вашай місіі ў нашай краіне. Упэўнены, што ваша работа ў нашай краіне адкрые новыя дадатковыя магчымасці для развіцця беларуска-дамініканскіх узаемаадносін. Беларускія парламентарыі заўсёды выступалі за развіццё дружалюбных адносін з краінамі Лацінскай Амерыкі і Карыбскага басейна. І мы рады, што ў нас ёсць магчымасці для развіцця двухбаковых адносін, - сказаў Валерый Міцкевіч.

Паводле яго слоў, важная роля ў развіцці двухбаковых адносін адводзіцца парламенту. "У Нацыянальным сходзе Рэспублікі Беларусь я ўзначальваю дэлегацыю па ажыццяўленні кантактаў з Лацінаамерыканскім парламентам, і літаральна на наступным тыдні мы плануем прыняць удзел у рабоце 36-й Генеральнай асамблеі Лацінаамерыканскага парламента, якая будзе праходзіць у Панаме. Спадзяюся, што нашы дэлегацыі там змогуць плённа супрацоўнічаць, - адзначыў намеснік старшыні. - Асабліва хачу адзначыць магчымасць нашага супрацоўніцтва ў Міжпарламенцкім саюзе і створанай у лістападзе мінулага года Парламенцкай сетцы Руху недалучэння".

Валерый Міцкевіч падкрэсліў: у свеце сёння адчуваецца востры дэфіцыт даверу. "Таму, у нашых умовах само жыццё пацвярджае неабходнасць аб'яднання намаганняў розных краін не толькі ў барацьбе з пандэміяй, але і ў мэтах забеспячэння міру і бяспекі. Само сабой зразумела, што палітычныя і дыпламатычныя кантакты павінны аказваць станоўчае ўздзеянне на гандлёва-эканамічныя сувязі і дапамагаць вырашэнню канкрэтных практычных пытанняў, - дапоўніў ён. - Гандлёва-эканамічнае супрацоўніцтва адпавядае інтарэсам нашых краін. У мінулым годзе аб'ём узаемнага гандлю ў нас значна вырас, але ўсё роўна $7,5 млн - эта вельмі мала. У нас тут ёсць вялікія магчымасці для значнага павелічэння гандлёва-эканамічных сувязей. Структура эканомікі Дамініканскай Рэспублікі прадугледжвае магчымасці пашырэння на рынак сельскагаспадарчай прадукцыі, аўтатрактарнай тэхнікі, угнаенняў. На нашым рынку вялікім попытам карыстаюцца кава і фрукты, якія вырошчваюцца ў Дамініканскай Рэспубліцы".

Намеснік старшыні выказаў надзею, што пасля заканчэння пандэміі адкрыюцца новыя магчымасці для ўзаемнага турызму. "Гэта галіна вельмі добра развіта ў Дамініканскай Рэспубліцы. Нашы грамадзяне, думаю, усё больш і больш будуць наведваць Дамініканскую Рэспубліку. І, вядома, пашырэнню нашага ўзаемнага супрацоўніцтва павінны дапамагчы нашы ганаровыя консульствы, якія ёсць у нашых краінах, - дадаў ён. - Яшчэ адзін перспектыўны напрамак - развіццё супрацоўніцтва паміж інтэграцыйнымі структурамі, у якіх удзельнічаюць нашы краіны. Я маю на ўвазе Еўразійскі эканамічны саюз і Цэнтральнаамерыканскую інтэграцыйную сістэму. Упэўнены, што дружба і супрацоўніцтва паміж Рэспублікай Беларусь і Дамініканскай Рэспублікай будуць толькі ўмацоўвацца ў нашых агульных інтарэсах".

У сваю чаргу пасол канстатаваў, што Дамініканская Рэспубліка зацікаўлена ўвесці бязвізавы рэжым для беларусаў. "Мая першая прапанова - падпісаць дагавор, каб беларусы падарожнічалі ў Дамінікану без віз", - адзначыў ён. Таксама ёсць зацікаўленасць у прамым рэйсе з Мінска ў Дамінікану.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі