Міхаіл Мішусцін
7 красавіка, Масква /Эдуард Півавар - БЕЛТА/. Афіцыйны візіт прэм'ер-міністра Беларусі Аляксандра Турчына ў Маскву з'яўляецца яшчэ адным пацвярджэннем асаблівага характару адносін Беларусі і Расіі. Аб гэтым заявіў прэм'ер-міністр Расіі Міхаіл Мішусцін на сустрэчы з Аляксандрам Турчыным, перадае карэспандэнт БЕЛТА.
"Важна, што з першым замежным візітам у якасці кіраўніка ўрада вы наведваеце Расійскую Федэрацыю. Гэта яшчэ адно пацвярджэнне асаблівага характару адносін паміж Расіяй і Беларуссю", - сказаў Міхаіл Мішусцін, вітаючы беларускую дэлегацыю на чале з прэм'ер-міністрам.
Кіраўнік расійскага ўрада назваў афіцыйны візіт Аляксандра Турчына вельмі своечасовым. "13 сакавіка ў Маскве адбыліся перагаворы Прэзідэнта Расіі Уладзіміра Пуціна і Прэзідэнта Беларусі Аляксандра Лукашэнкі. Дасягнуты стратэгічныя дамоўленасці аб нарошчванні ўзаемадзеяння ў Саюзнай дзяржаве. І задача нашых урадаў - забяспечыць дакладнае і аператыўнае выкананне рашэнняў, якія прыняты на вышэйшым узроўні", - адзначыў ён.
Паводле слоў Міхаіла Мішусціна, прыярытэтная ўвага ўдзяляецца ўмацаванню двухбаковага гандлёва-эканамічнага супрацоўніцтва. "У мінулым годзе ўзаемны тавараабарот вырас на 6 працэнтаў адносна 2023 года і дасягнуў новых рэкордных паказчыкаў - гэта 4,5 трлн расійскіх рублёў, або амаль 163 млрд беларускіх рублёў", - прывёў ён даныя ў нацыянальных валютах.
"Нягледзячы на ўзмацненне незаконных санкцый у адносінах да Расіі і Беларусі, мы, абараняючы наш гандаль, інвестыцыі ўзаемныя, у тым ліку ад негатыўнай знешняй кан'юнктуры, практычна поўнасцю, больш як на 95 працэнтаў, перавялі фінансавыя разлікі ў нацыянальныя валюты. Паскараем таксама рэалізацыю сумесных кааперацыйных праектаў у галіне прамысловасці. Разам ствараем канкурэнтаздольныя прадукты ў першую чаргу з дабаўленай высокай вартасцю і ўмацоўваем тэхналагічныя прамысловыя суверэнітэты нашай Саюзнай дзяржавы. Прапрацоўваюцца і новыя ініцыятывы ў высокатэхналагічных галінах", - паведаміў Міхаіл Мішусцін.
Ён удакладніў, што размова ідзе аб штучным інтэлекце, лічбавых экасістэмах, выкарыстанні вялікіх даных, беспілотных аўтаматычных сістэмах. "Перакананы, што ўкараненне наогул лічбавых сэрвісаў, вядома, забяспечыць і развіццё нацыянальных эканомік, і значна, што вельмі важна, павысіць якасць жыцця нашых людзей", - падкрэсліў прэм'ер-міністр РФ.
Міхаіл Мішусцін таксама канстатаваў, што бакамі асаблівая ўвага традыцыйна ўдзяляецца гуманітарнаму супрацоўніцтву. "У галіне культуры ў гэтым годзе ў Маскве пройдзе міжнародны музычны конкурс "Інтэрбачанне". Запрашаем, вядома ж, нашых беларускіх сяброў прыняць у ім удзел", - дадаў ён.
"У маі мы адзначым 80-ю гадавіну Перамогі ў Вялікай Айчыннай вайне. Гэта наша агульнае свяшчэннае свята. Мы шчыра ім даражым, беражліва захоўваем памяць аб подзвігу франтавікоў і працаўнікоў тылу ў гады Вялікай Айчыннай вайны. І, вядома, перададзім яе будучым пакаленням грамадзян і Расіі, і Беларусі", - сказаў прэм'ер-міністр РФ.-0-
"Важна, што з першым замежным візітам у якасці кіраўніка ўрада вы наведваеце Расійскую Федэрацыю. Гэта яшчэ адно пацвярджэнне асаблівага характару адносін паміж Расіяй і Беларуссю", - сказаў Міхаіл Мішусцін, вітаючы беларускую дэлегацыю на чале з прэм'ер-міністрам.
Кіраўнік расійскага ўрада назваў афіцыйны візіт Аляксандра Турчына вельмі своечасовым. "13 сакавіка ў Маскве адбыліся перагаворы Прэзідэнта Расіі Уладзіміра Пуціна і Прэзідэнта Беларусі Аляксандра Лукашэнкі. Дасягнуты стратэгічныя дамоўленасці аб нарошчванні ўзаемадзеяння ў Саюзнай дзяржаве. І задача нашых урадаў - забяспечыць дакладнае і аператыўнае выкананне рашэнняў, якія прыняты на вышэйшым узроўні", - адзначыў ён.
Паводле слоў Міхаіла Мішусціна, прыярытэтная ўвага ўдзяляецца ўмацаванню двухбаковага гандлёва-эканамічнага супрацоўніцтва. "У мінулым годзе ўзаемны тавараабарот вырас на 6 працэнтаў адносна 2023 года і дасягнуў новых рэкордных паказчыкаў - гэта 4,5 трлн расійскіх рублёў, або амаль 163 млрд беларускіх рублёў", - прывёў ён даныя ў нацыянальных валютах.
"Нягледзячы на ўзмацненне незаконных санкцый у адносінах да Расіі і Беларусі, мы, абараняючы наш гандаль, інвестыцыі ўзаемныя, у тым ліку ад негатыўнай знешняй кан'юнктуры, практычна поўнасцю, больш як на 95 працэнтаў, перавялі фінансавыя разлікі ў нацыянальныя валюты. Паскараем таксама рэалізацыю сумесных кааперацыйных праектаў у галіне прамысловасці. Разам ствараем канкурэнтаздольныя прадукты ў першую чаргу з дабаўленай высокай вартасцю і ўмацоўваем тэхналагічныя прамысловыя суверэнітэты нашай Саюзнай дзяржавы. Прапрацоўваюцца і новыя ініцыятывы ў высокатэхналагічных галінах", - паведаміў Міхаіл Мішусцін.
Ён удакладніў, што размова ідзе аб штучным інтэлекце, лічбавых экасістэмах, выкарыстанні вялікіх даных, беспілотных аўтаматычных сістэмах. "Перакананы, што ўкараненне наогул лічбавых сэрвісаў, вядома, забяспечыць і развіццё нацыянальных эканомік, і значна, што вельмі важна, павысіць якасць жыцця нашых людзей", - падкрэсліў прэм'ер-міністр РФ.
Міхаіл Мішусцін таксама канстатаваў, што бакамі асаблівая ўвага традыцыйна ўдзяляецца гуманітарнаму супрацоўніцтву. "У галіне культуры ў гэтым годзе ў Маскве пройдзе міжнародны музычны конкурс "Інтэрбачанне". Запрашаем, вядома ж, нашых беларускіх сяброў прыняць у ім удзел", - дадаў ён.
"У маі мы адзначым 80-ю гадавіну Перамогі ў Вялікай Айчыннай вайне. Гэта наша агульнае свяшчэннае свята. Мы шчыра ім даражым, беражліва захоўваем памяць аб подзвігу франтавікоў і працаўнікоў тылу ў гады Вялікай Айчыннай вайны. І, вядома, перададзім яе будучым пакаленням грамадзян і Расіі, і Беларусі", - сказаў прэм'ер-міністр РФ.-0-
Падпісвайцеся на нас у
