15 кастрычніка, Мінск /Кар. БЕЛТА/. Узбекістан высока ацэньвае старшынства Беларусі ў юбілейны для СНД год. Гэта адзначыў Прэзідэнт Узбекістана Шаўкат Мірзіёеў сёння на пасяджэнні Савета кіраўнікоў дзяржаў Садружнасці ў фармаце відэаканферэнцыі, паведамляе карэспандэнт БЕЛТА.
"Праведзена вялікая работа па ўмацаванні шматбаковага супрацоўніцтва ў год 30-годдзя Садружнасці", - лічыць ён.
Шаўкат Мірзіёеў падкрэсліў, што за час існавання СНД паказала маштабы ўзаемадзеяння і значна ўмацавала аўтарытэт на міжнароднай арэне. Ён прапанаваў правесці сістэмны аналіз дзейнасці Садружнасці, каб выпрацаваць рэкамендацыі работы ў новых умовах з улікам узаемадапаўняльнасці.
"СНД - гэта запатрабаваная і эфектыўная платформа з асаблівай кансалідуючай роллю пашырэння нашых агульных інтарэсаў", - заўважыў Прэзідэнт Узбекістана.
Ён падзяліўся сваім бачаннем ключавых напрамкаў усебаковага супрацоўніцтва зыходзячы з мэт і задач доўгатэрміновай канцэпцыі развіцця Садружнасці. У іх ліку Шаўкат Мірзіёеў назваў узаемнае садзейнічанне забеспячэнню ўстойлівага эканамічнага росту краін СНД.
"Глабальны крызіс, выкліканы наступствамі пандэміі, стаў вялікім выпрабаваннем для ўсіх краін, - адзначыў прэзідэнт Узбекістана. - У гэтых умовах нам удаецца захаваць пазітыўную дынаміку гандлёва-эканамічнага супрацоўніцтва. Тым не менш сёння час дыктуе неабходнасць паўнацэннага функцыянавання зоны свабоднага гандлю на прасторы Садружнасці без абмежаванняў і бар'ераў. Прапануем сумесна правесці комплексны аналіз рэальнага стану нашых гандлёвых сувязей у новых умовах і на гэтай аснове падрыхтаваць канкрэтныя рэкамендацыі з улікам фактару ўзаемадапаўняльнасці нашых эканомік. Яны маглі б быць пакладзены ў аснову шматбаковага плана дзеянняў па далейшай лібералізацыі гандлёвай палітыкі ў рамках СНД".-0-