ДЗЯРЖОРГАНЫДЗЯРЖОРГАНЫ
Флаг Пятніца, 24 верасня 2021
Мінск Пераменная воблачнасць +8°C
Усе навіны
Усе навіны
Палітыка
30 чэрвеня 2021, 19:58

Мінск і Пекін пацвердзілі гатоўнасць узаемнай падтрымкі на міжнароднай арэне

Надзвычайны і Паўнамоцны Пасол КНР у Беларусі Се Сяаюн (злева)
Надзвычайны і Паўнамоцны Пасол КНР у Беларусі Се Сяаюн (злева)

30 чэрвеня, Мінск /Кар. БЕЛТА/. Кіраўнік Адміністрацыі Прэзідэнта Рэспублікі Беларусь Ігар Сергяенка 30 чэрвеня сустрэўся з Надзвычайным і Паўнамоцным Паслом Кітайскай Народнай Рэспублікі ў Мінску Се Сяаюнам, паведамляе карэспандэнт БЕЛТА.

У час сустрэчы бакамі было адзначана паспяховае развіццё адносін паміж Беларуссю і Кітаем пад стратэгічным кіраўніцтвам і дзякуючы асабістаму садзейнічанню кіраўнікоў дзяржаў. Высока былі ацэнены станоўчая дынаміка двухбаковага тавараабароту, умацаванне сувязей у гуманітарнай сферы, выкарыстанне патэнцыялу міжрэгіянальнага супрацоўніцтва.

Акрамя таго, пацверджана гатоўнасць Мінска і Пекіна прадаўжаць проціэпідэмічнае супрацоўніцтва, аказваць узаемную падтрымку на міжнароднай арэне, перш за ўсё ў барацьбе з аднабаковымі абмежавальнымі мерамі ў адносінах да суверэнных дзяржаў.

Кіраўнік Адміністрацыі Прэзідэнта Рэспублікі Беларусь асобна падзякаваў за цвёрдую пазіцыю кіраўніцтва Кітая ў справе абароны суверэнітэту і незалежнасці нашай краіны.

Пасол КНР асабліва падкрэсліў поспехі Мінска ў стабілізацыі грамадска-палітычнай сітуацыі ў краіне, у прыватнасці, дзякуючы правядзенню VI Усебеларускага народнага сходу і функцыянаванню дыялогавых пляцовак у рамках работы над канстытуцыйнай рэформай.

На завяршэнне размовы субяседнікі абмяняліся віншаваннямі з надыходзячымі святамі - 100-годдзем з дня ўтварэння Камуністычнай партыі Кітая і Днём Незалежнасці Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі