18 студзеня, Мінск /Кар. БЕЛТА/. Міністэрства эканомікі Беларусі і Міністэрства юстыцыі Украіны правялі кансультацыі ў фармаце відэаканферэнцыі, арганізаваныя пры садзейнічанні пасольства Беларусі ў Кіеве. Аб гэтым карэспандэнту БЕЛТА паведамілі ў беларускім пасольстве ва Украіне.
"Прадстаўнікі Міністэрства эканомікі Рэспублікі Беларусь, Вярхоўнага суда Рэспублікі Беларусь і Міністэрства юстыцыі Украіны правялі зацікаўлены і плённы абмен думкамі па розных аспектах нацыянальнага заканадаўства і правапрымяняльнай практыкі па тэматыцы эканамічнай неплацежаздольнасці (банкруцтва). У тым ліку быў абмеркаваны вопыт прымянення закладзеных у заканадаўстве Украіны норм аб выпадковым выбары кіраўнікоў", - гаворыцца ў паведамленні.
Бакі дамовіліся прадоўжыць абмен інфармацыяй і матэрыяламі ў рабочым парадку, а таксама практыкаваць у далейшым правядзенне анлайн-кансультацый па актуальных пытаннях, што ўяўляюць узаемны інтарэс.-0-
