2 сакавіка, Масква /Эдуард Півавар - БЕЛТА/. Стратэгічная мэта зацверджанай пастановай Вышэйшага дзяржсавета Саюзнай дзяржавы канцэпцыі інфармацыйная бяспекі - абарона нацыянальных інтарэсаў Беларусі і РФ. Аб гэтым заявіў дзяржаўны сакратар Саюзнай дзяржавы Дзмітрый Мезенцаў, каменціруючы прыняты дакумент, паведамляе карэспандэнт БЕЛТА.
"Стратэгічнай мэтай канцэпцыі з'яўляецца сумесная абарона нацыянальных інтарэсаў Беларусі і Расіі ў інфармацыйнай сферы, з улікам сучасных выклікаў і пагроз, значных змяненняў ваенна-палітычнай абстаноўкі ва Усходне-Еўрапейскім рэгіёне і беспрэцэдэнтнага санкцыйнага націску на нашы краіны, аб'яднаныя Дагаворам аб стварэнні Саюзнай дзяржавы", - сказаў Дзмітрый Мезенцаў.
Паводле яго слоў, прыняцце такога значнага дакумента будзе садзейнічаць дадатковай абароне крытычна важнай інфармацыйнай інфраструктуры братэрскіх дзяржаў, што, у сваю чаргу, узмоцніць патэнцыял процідзеяння дэструктыўнай дзейнасці ў гэтай сферы з боку недружалюбных краін.
"Дакумент, зацверджаны Прэзідэнтам Рэспублікі Беларусь Аляксандрам Лукашэнкам і Прэзідэнтам Расіі Уладзімірам Пуціным, членамі Вышэйшага дзяржсавета Саюзнай дзяржавы, зноў пацвярджае практыку саюзніцкіх адносін дзвюх дзяржаў", - падкрэсліў дзяржсакратар.
Як раней паведамлялася БЕЛТА са спасылкай на МЗС Беларусі, канцэпцыя з'яўляецца вынікам цеснага ўзаемадзеяння апаратаў саветаў бяспекі, знешнепалітычных ведамстваў і іншых кампетэнтных органаў дзвюх краін у сферы сумеснага процідзеяння сучасным інфармацыйным выклікам і пагрозам на трывалай прававой аснове.
Галоўнай мэтай дакумента з'яўляецца абарона нацыянальных інтарэсаў дзяржаў - удзельніц Дагавора аб стварэнні Саюзнай дзяржавы ў інфармацыйнай сферы. Канцэпцыя вызначае асновы для фарміравання ўзгодненай дзяржаўнай палітыкі і развіцця грамадскіх адносін у галіне забеспячэння інфармацыйнай бяспекі, а таксама выпрацоўкі мер па ўдасканаленні сістэм забеспячэння інфармацыйнай бяспекі дзяржаў. Дакумент садзейнічае павышэнню абароненасці інфармацыйнай інфраструктуры дзяржаў-удзельніц і, перш за ўсё, іх крытычна важных аб'ектаў, а таксама нацэлены на барацьбу з дэструктыўным уздзеяннем на інфармацыйныя рэсурсы Саюзнай дзяржавы.-0-
