7 чэрвеня, Мінск /Кар. БЕЛТА/. Месца непастаяннага члена Савета Бяспекі ААН на 2024-2025 гады ад Усходнееўрапейскай групы зойме Славенія, а не Беларусь. Такія вынікі галасавання, якое адбылося 6 чэрвеня ў штаб-кватэры арганізацыі ў Нью-Ёрку, паведамляе БЕЛТА.
У ходзе тайнага галасавання па выбару кандыдатуры непастаяннага члена СБ ААН ад Усходнееўрапейскай групы дзяржаў Славенія атрымала 153 галасы, Беларусь - 38.
Ад групы афрыканскіх і ціхаакіянскіх дзяржаў месцы непастаянных членаў у Савеце Бяспекі ААН зоймуць Сьера-Леонэ, Алжыр, Рэспубліка Карэя, ад краін Лацінскай Амерыкі і Карыбскага басейна - Гаяна.
Вынікі выбараў былі ў значнай ступені прадказальныя, таму што ўсім вядома: Славенія - член Еўрапейскага саюза і НАТА - карыстаецца адкрытай падтрымкай Вашынгтона і Бруселя. І галоўная мэта яе выстаўлення ў якасці канкурэнта Беларусі на выбарах - не дапусціць выбрання нашай краіны і ўзмацніць пазіцыі палітычнага Захаду ў складзе гэтай структуры.
Да 9 снежня 2021 года Славенія зусім не збіралася прэтэндаваць на месца непастаяннага члена Савета Бяспекі ААН на будучыя два гады. Больш таго, зусім нядаўна, у 2017 годзе, яна падавала заяўку на гэту пасаду толькі на 2042-2043 гады.
Беларусь вылучыла сваю кандыдатуру яшчэ ў 2007 годзе і паслядоўна, грунтоўна тлумачыла свае мэты і прыярытэты, вельмі выразна даючы зразумець, чаго яна дабівалася б на гэтай пасадзе.
Аднак у выніку цынічнай палітычнай маніпуляцыі працэдурамі ААН з боку заходніх краін Беларусь не ўвайшла ў лік непастаянных членаў Савета Бяспекі ААН.-0-
