ДЗЯРЖОРГАНЫДЗЯРЖОРГАНЫ
Флаг Пятніца, 27 студзеня 2023
Мінск -2°C
Усе навіны
Усе навіны
Палітыка
13 кастрычніка 2022, 09:01

Макей заклікаў з'яднацца для процістаяння санкцыйнаму і іншаму знешняму націску на краіны СНД

Фота МЗС
Фота МЗС

13 кастрычніка, Мінск /Кар. БЕЛТА/. Міністр замежных спраў Беларусі Уладзімір Макей 12 кастрычніка ў Астане прыняў удзел у пасяджэнні Савета міністраў замежных спраў дзяржаў - удзельніц Садружнасці Незалежных Дзяржаў. У ходзе сустрэчы кіраўнікі знешнепалітычных ведамстваў абмяняліся меркаваннямі па пытаннях глабальнага і рэгіянальнага парадку дня. У даверным ключы абмеркавалі і скаардынавалі падыходы па паглыбленні шматпланавага супрацоўніцтва ў рамках Садружнасці, паведамілі БЕЛТА ў прэс-службе МЗС Беларусі.

Уладзімір Макей звярнуў асаблівую ўвагу на важнасць з'яднання і прыняцця сумесных намаганняў на знешнепалітычным трэку для процістаяння спробам санкцыйнага і іншага знешняга націску на дзяржавы Садружнасці.

Кіраўнік МЗС Беларусі падкрэсліў, што сітуацыя, калі Захад прысвойвае сабе права выступаць ад імя і вырашаць за ўсю сусветную супольнасць, ставячы знак роўнасці паміж сваімі інтарэсамі і астатняй часткай планеты, не мае перспектывы. У гэтым кантэксце ўзмацняецца неабходнасць умацавання адзінства і з'яднанасці краін СНД у міжнародных арганізацыях, у першую чаргу ў ААН.

Уладзімір Макей яшчэ раз звярнуў увагу калег і выказаў надзею на падтрымку Садружнасцю ініцыятывы Беларусі аб правядзенні шырокафарматнага міжнароднага дыялогу па пытаннях бяспекі ў духу Сан-Францыска.

Па выніках пасяджэння адобраны і падпісаны пакет дакументаў па шэрагу напрамкаў функцыянавання СНД, у тым ліку ў галіне барацьбы з карупцыяй, тэрарызмам і экстрэмізмам, у сферы гуманітарнага, ваеннага, спартыўнага, маладзёжнага супрацоўніцтва.

На палях СМЗС прынята рашэнне аб стварэнні Камісіі ўпаўнаважаных па правах дзіцяці (омбудсменаў) краін Садружнасці і зацверджана адпаведнае Палажэнне.

Адобраны праекты рашэнняў Савета кіраўнікоў дзяржаў СНД аб прадастаўленні Садружнасці Незалежных Дзяржаў статусу наглядальніка пры Арганізацыі Дагавора аб калектыўнай бяспецы, аб новай рэдакцыі Палажэння аб Камісіі па правах чалавека СНД, а таксама праект Пратакола аб унясенні змяненняў у Канвенцыю СНД аб правах і асноўных свабодах чалавека ад 26 мая 1995 года.

Кіраўнікі знешнепалітычных ведамстваў дзяржаў - удзельніц СНД зацвердзілі План шматузроўневых кансультацый паміж міністэрствамі замежных спраў на 2023 год, у які ўключана ініцыятыва МЗС Рэспублікі Беларусь аб правядзенні кансультацый па актуальных пытаннях узаемадзеяння з краінамі Азіі, Афрыкі і Лацінскай Амерыкі.

Прынята рашэнне аб правядзенні чарговага пасяджэння СМЗС СНД 14 красавіка 2023 года ў Ташкенце.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі