Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Макей узначаліць беларускую дэлегацыю на 74-й сесіі Генасамблеі ААН

Палітыка 20.09.2019 | 15:19
Уладзімір Макей. Фота з архіва
Уладзімір Макей. Фота з архіва

20 верасня, Мінск /Кар. БЕЛТА/. Міністр замежных спраў Беларусі Уладзімір Макей прыме ўдзел у 74-й сесіі Генеральнай асамблеі ААН, якая адкрылася 17 верасня ў Нью-Ёрку. Аб гэтым паведаміў сёння журналістам начальнік упраўлення інфармацыі і лічбавай дыпламатыі - прэс-сакратар МЗС Анатоль Глаз, перадае карэспандэнт БЕЛТА.

"Агульная дыскусія з удзелам кіраўнікоў дзяржаў, урадаў і кіраўнікоў знешнепалітычных ведамстваў пачнецца 24 верасня і завершыцца 30 верасня. Беларускую дэлегацыю ўзначаліць міністр замежных спраў Уладзімір Макей", - расказаў Анатоль Глаз.

Візіт кіраўніка знешнепалітычнага ведамства Беларусі ў Нью-Ёрк плануецца 22-29 верасня. Чакаецца, што Уладзімір Макей прыме ўдзел у некалькіх мерапрыемствах высокага ўзроўню. У іх ліку палітычны форум па ўстойлівым развіцці, канферэнцыя па садзейнічанні ўступленню ў сілу Дагавора аб усёабдымнай забароне ядзерных выпрабаванняў і спецыяльнае пасяджэнне з нагоды Міжнароднага дня барацьбы за поўную ліквідацыю ядзернай зброі.

Пад старшынствам Беларусі пройдзе пятая міністэрская сустрэча Групы сяброў, якія аб'ядналіся ў барацьбе з гандлем людзьмі. У ёй прымуць удзел высокія прадстаўнікі 23 дзяржаў і кіраўнікі Упраўлення ААН па наркотыках і злачыннасці, структуры "ААН-жанчыны", арганізацыі па бяспецы і супрацоўніцтве ў Еўропе.

Запланаваны ўдзел Уладзіміра Макея ў традыцыйных сустрэчах міністраў замежных спраў краін Арганізацыі Дагавора аб калектыўнай бяспецы і Цэнтральна-Еўрапейскай ініцыятывы, Руху недалучэння. Сумесна з кіраўніком Контртэрарыстычнага ўпраўлення ААН Уладзімірам Варанковым запланаваны брыфінг па выніках нядаўна праведзенай у Мінску міжнароднай контртэрарыстычнай канферэнцыі.

Міністр замежных спраў Беларусі сумесна з расійскім калегам Сяргеем Лаўровым адкрые фотавыстаўку, прысвечаную 110-годдзю з дня нараджэння Андрэя Грамыкі. Таксама Уладзімір Макей выступіць на пасяджэнні высокага ўзроўню Савета Бяспекі ААН, прысвечаным ролі супрацоўніцтва ААН з рэгіянальнымі арганізацыямі ва ўмацаванні міру і бяспекі.

Як раней заявіў старшыня 74-й сесіі Генасамблеі пастаянны прадстаўнік Нігерыі пры ААН Тыджані Мухамад-Бандэ, прыярытэтнымі будуць пытанні ліквідацыі беднасці і голаду, забеспячэння адукацыі і барацьбы са змяненнем клімату.

У першыя дні работы новай сесіі будуць вырашацца ў асноўным працэдурныя пытанні, у тым ліку звязаныя з размеркаваннем пунктаў парадку дня па шасці асноўных камітэтах асамблеі. 23 верасня пройдзе саміт па клімаце, яго мэта - узгадніць канкрэтныя шляхі выканання Парыжскага пагаднення. Галоўныя тэмы маючага адбыцца саміту: пераход на аднаўляльныя крыніцы энергіі, фінансаванне мер па стрымліванні змянення клімату і падатак на вугляроды, скарачэнне прамысловых эмісій і экалагізацыя эканомікі. 24 верасня пачнуцца агульныя дыскусіі, перад удзельнікамі якіх выступяць 97 кіраўнікоў дзяржаў, пяць віцэ-прэзідэнтаў, 46 кіраўнікоў урадаў і 38 міністраў. Перад пачаткам агульных дыскусій генеральны сакратар прадставіць дзяржавам - членам ААН свой штогадовы даклад аб рабоце арганізацыі.

Генеральная асамблея з'яўляецца адным з галоўных органаў ААН. Яна складаецца з прадстаўнікоў усіх дзяржаў-членаў, кожная з якіх мае адзін голас. Рашэнне па важных тэмах, такіх як пытанні міру і бяспекі або прыём новых членаў, патрабуюць дзве трэці галасоў. Рашэнні па іншых пытаннях прымаюцца простай большасцю.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.