ДЗЯРЖОРГАНЫДЗЯРЖОРГАНЫ
Флаг Чацвер, 29 верасня 2022
Мінск +10°C
Усе навіны
Усе навіны
Палітыка
18 ліпеня 2022, 16:08

Макей пра арышт беларускай маёмасці за мяжой: без адказу гэта не застанецца

Уладзімір Макей
Уладзімір Макей

18 ліпеня, Мінск /Кар. БЕЛТА/. Дзеянні па арышце беларускай маёмасці за мяжой без адказу не застануцца. Аб гэтым заявіў журналістам міністр замежных спраў Беларусі Уладзімір Макей, перадае карэспандэнт БЕЛТА.

"Вядома, мы не пакідаем без увагі такія дзеянні. Міністэрства замежных спраў разам з калегамі з іншых міністэрстваў і ведамстваў уважліва аналізуюць усе такія выпадкі канфіскацыі нашай уласнасці, арышту нашай маёмасці і, зразумела, выпрацоўваюць адэкватныя крокі. Мы дэталёва вывучылі ўсе выпадкі, звязаныя з арыштам беларускай маёмасці за мяжой: якая была арыштавана маёмасць, на якую суму. Без адказу ў будучым гэтыя дзеянні не застануцца", - падкрэсліў міністр.

Пры гэтым Уладзімір Макей выказаў меркаванне, што такія захады заходнія краіны робяць "не ад вялікага розуму". Цяпер, паводле яго слоў, беларускі бок прапрацоўвае юрыдычны бок пытання.

"Так, я не магу сказаць, што цяпер сітуацыя спрыяльная ў плане аспрэчвання гэтых незаконных выпадкаў. Але, думаю, што паступова абставіны зменяцца і ў нас з'явяцца канкрэтныя, рэальныя юрыдычныя, палітычныя і эканамічныя падставы, каб гэта маёмасць была вернута", - рэзюмаваў кіраўнік МЗС.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі