10 чэрвеня, Масква /Эдуард Півавар - БЕЛТА/. Кіраўнік МЗС Беларусі Уладзімір Макей 17-18 чэрвеня наведае Маскву. Аб гэтым заявіла сёння на брыфінгу афіцыйны прадстаўнік МЗС Расіі Марыя Захарава, паведамляе БЕЛТА.
"17-18 чэрвеня па запрашэнні міністра замежных спраў Расіі Сяргея Лаўрова Маскву з рабочым візітам наведае міністр замежных спраў Рэспублікі Беларусь", - сказала Марыя Захарава.
Яна паведаміла, што на перагаворах кіраўнікі знешнепалітычных ведамстваў дзвюх краін разгледзяць шырокае кола актуальных пытанняў двухбаковага супрацоўніцтва і міжнароднага парадку дня. "Асаблівая ўвага будзе ўдзелена сумеснай рабоце ў інтэграцыйных фарматах Саюзнай дзяржавы, ЕАЭС, АДКБ і СНД. Міністры падрабязна абмяркуюць каардынацыю падыходаў у міжнародных арганізацыях, уключаючы ААН і АБСЕ", - дадала Марыя Захарава.
"Таксама запланаваны абмен думкамі па праблематыцы міжнароднай, еўрапейскай бяспекі, а таксама адносін з ЗША і Еўрасаюзам, уключаючы сумесныя крокі па процістаянні ўмяшанню ва ўнутраныя справы суверэнных дзяржаў", - заявіла прадстаўнік МЗС РФ.-0-