Мабільная версія
ДЗЯРЖОРГАНЫ

Апошнія навіны
Усе навіны

Макей на сустрэчы з новым кіраўніком прадстаўніцтва ЕС назваў значнымі дасягненні ў дыялогу Мінск - Брусель

Палітыка 10.09.2019 | 14:03

10 верасня, Мінск /Аліна Грышкевіч - БЕЛТА/. Міністр замежных спраў Уладзімір Макей 10 верасня сустрэўся з кіраўніком прадстаўніцтва Еўрапейскага саюза ў Беларусі Дзіркам Шубелем. Аб гэтым карэспандэнту БЕЛТА паведамілі ў прэс-службе МЗС.

Уладзімір Макей прыняў у субяседніка копіі даверчых грамат і абмеркаваў з ім стан і перспектывы адносін паміж Беларуссю і Еўрапейскім саюзам. З улікам даўняй уключанасці Дзірка Шубеля ў праблематыку беларуска-еўрапейскіх адносін, бакі сканцэнтраваліся на ключавых пытаннях сумеснага парадку дня: развіцці дагаворна-прававой базы, падрыхтоўцы да падпісання пагадненняў аб спрашчэнні візавых працэдур, рэадмісіі, планаванні праграм фінансавага садзейнічання ЕС Беларусі, арганізацыі ў Беларусі мерапрыемстваў па лініі "Усходняга партнёрства".

Міністр замежных спраў канстатаваў наяўнасць значных дасягненняў у дыялогу паміж Мінскам і Бруселем. Адзначыў своечасовасць назначэння ў гэты момант на пасаду кіраўніка дыпмісіі ЕС аднаго з найбольш вопытных куратараў беларуска-еўрапейскіх адносін з пункту гледжання замацавання і нарошчвання дасягнутай пазітыўнай тэндэнцыі. Выказаў надзею на тое, што абнаўленне кіраўніцтва прадстаўніцтва ЕС і фарміраванне новага складу Еўракамісіі будуць садзейнічаць прагрэсу ў заключэнні новага асноватворнага пагаднення Беларусь - ЕС.

Уладзімір Макей пажадаў Дзірку Шубелю поспехаў у рабоце на новай пасадзе на карысць беларуска-еўрапейскіх адносін.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў