Сцяг Пятніца, 29 сакавіка 2024
Усе навіны
Усе навіны
Палітыка
19 лістапада 2021, 11:17

Макей: мы нацэлены выпрацаваць новыя рашэнні для падтрымкі ініцыятыў беларусаў замежжа

19 лістапада, Мінск /Кар. БЕЛТА/. У Беларусі нацэлены выпрацаваць новыя рашэнні для падтрымкі ініцыятыў беларусаў замежжа. Аб гэтым міністр замежных спраў Уладзімір Макей заявіў сёння на пасяджэнні Кансультатыўнага савета пры МЗС Беларусі па справах беларусаў замежжа, перадае карэспандэнт БЕЛТА.

Фармат такіх сустрэч у беларускім знешнепалітычным ведамстве ўжо стаў традыцыйным. Але, як адзначыў Уладзімір Макей, у мінулым годзе арганізатары былі вымушаны прапусціць пасяджэнне: паўплывала пандэмія каранавіруса і звязаныя з ёй абмежаванні на паездкі і сустрэчы.

"Нягледзячы на складаную эпідэміялагічную сітуацыю, мы нацэлены выпрацаваць новыя рашэнні для падтрымкі ініцыятыў і правядзення сумесных мерапрыемстваў з беларусамі замежжа", - падкрэсліў міністр.

У пасяджэнні Кансультатыўнага савета прынялі ўдзел кіраўнікі беларускіх арганізацый за мяжой, прадстаўнікі дзяржаўных органаў і ўстаноў, грамадскіх арганізацый.

Удзельнікі мерапрыемства абмеркавалі вынікі сумеснай работы і перспектывы далейшага супрацоўніцтва, а таксама грамадска-палітычнае жыццё ў краіне.

Уладзімір Макей канстатаваў, што савет з'яўляецца важнай пляцоўкай для абмеркавання пытанняў узаемадзеяння дзяржавы і дыяспары. Кіраўнік знешнепалітычнага ведамства падкрэсліў, што дзяржава прадоўжыць аказваць падтрымку суайчыннікам у папулярызацыі беларускай мовы і культуры за мяжой, у дзейнасці па захаванні нацыянальных традыцый і духоўных каштоўнасцей.-0-

Падпісвайцеся на нас у
Twitter
Топ-навіны
Свежыя навіны Беларусі