20 чэрвеня, Мінск /Кар. БЕЛТА/. Міністр замежных спраў Уладзімір Макей 20 чэрвеня прыняў вядомага палітолага, былога дзяржаўнага дзеяча Ізраіля Якава Кедмі, які знаходзіцца ў нашай краіне. Аб гэтым карэспандэнту БЕЛТА паведамілі ў беларускім знешнепалітычным ведамстве.
У ходзе сустрэчы адбыўся зацікаўлены і падрабязны абмен думкамі па найбольш актуальных пытаннях сусветнага і рэгіянальнага парадку дня.
У час знаходжання Якава Кедмі ў Беларусі запланаваны шэраг яго сустрэч з прадстаўнікамі беларускай экспертна-аналітычнай супольнасці, а таксама выступленне з лекцыяй перад маладзёжнай аўдыторыяй.-0-
