17 чэрвеня, Мінск /Аліна Грышкевіч - БЕЛТА/. Перспектывы развіцця беларуска-германскага супрацоўніцтва абмеркаваны 17 чэрвеня ў беларускім знешнепалітычным ведамстве, паведамілі карэспандэнту БЕЛТА ў прэс-службе МЗС.
Гэта тэма разглядалася на сустрэчы міністра замежных спраў Уладзіміра Макея з паслом Федэратыўнай Рэспублікі Германія ў Беларусі Петэрам Дэтмарам з нагоды завяршэння яго дыпламатычнай місіі.
Беларускі бок высока ацаніў вынікі дзейнасці Петэра Дэтмара з пункту гледжання беларуска-германскіх адносін і пашырэння дыялогу па лініі Беларусь - Еўрапейскі саюз. Акрамя таго, абмеркаваны стан і перспектывы далейшага развіцця двухбаковых адносін, уключаючы планы па рэалізацыі ў гэтым годзе сумесных мерапрыемстваў.-0-
