ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Палітыка
17 лістапада 2021, 09:01

Макей і Барэль зноў сазваніліся па сітуацыі на граніцы

17 лістапада, Мінск /Кар. БЕЛТА/. Тэлефонная размова міністра замежных спраў Рэспублікі Беларусь Уладзіміра Макея з намеснікам старшыні Еўрапейскай камісіі, высокім прадстаўніком Еўрапейскага саюза па замежных справах і палітыцы бяспекі Жазэпам Барэлем адбылася 16 лістапада. Аб гэтым БЕЛТА паведамілі ў прэс-службе МЗС Беларусі.

Бакі абмеркавалі сітуацыю, якая складваецца на граніцы Беларусі і ЕС.

Уладзімір Макей давёў да субяседніка інфармацыю аб узмацненні міграцыйнага рэжыму ў Беларусі. "Асобна акцэнтаваў увагу на значных намаганнях беларускага боку па забеспячэнні мігрантаў гуманітарнай дапамогай, у тым ліку ва ўзаемадзеянні з грамадскімі і міжнароднымі арганізацыямі, уключаючы Упраўленне Вярхоўнага камісара ААН па справах бежанцаў, Міжнародную арганізацыю па міграцыі, Міжнародны дзіцячы фонд, Беларускае таварыства Чырвонага Крыжа і Паўмесяца і іншыя", - расказалі ў МЗС.

Міністр пацвердзіў нацэленасць Беларусі на сумесны пошук шляхоў вырашэння існуючых праблем, уключаючы хутчэйшае ўрэгуляванне міграцыйнага крызісу.

Пры гэтым падкрэслена прынцыповая пазіцыя беларускага боку аб непрымальнасці санкцый як інструмента палітыкі ў адносінах да суверэннай і незалежнай дзяржавы, іх негатыўных наступствах як для двухбаковых адносін, так і для рэгіянальнай стабільнасці і бяспекі ў цэлым.

Бакі дамовіліся аб прадаўжэнні кантактаў па лініі Беларусь - ЕС.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі