10 лістапада, Мінск /Кар. БЕЛТА/. Дзеянні калектыўнага Захаду ў адносінах да Беларусі накіраваны з далёкім прыцэлам на Расію. Аб гэтым міністр замежных спраў Беларусі Уладзімір Макей заявіў у інтэрв'ю агенцтву "РІА Навіны", фрагменты якога апублікаваны ў афіцыйным Twitter-акаўнце МЗС Беларусі, паведамляе БЕЛТА.
"Я ведаю, што ніхто ніколі не атрымліваў з Масквы ніякіх указанняў аб арганізацыі нелегальнай міграцыі. Гэта вынік дзеянняў самога ЕС. Гэта проста спробы апраўдаць сваю канфрантацыйную палітыку ў адносінах да Расіі", - заявіў Уладзімір Макей.
На думку міністра, дзеянні калектыўнага Захаду ў адносінах да Беларусі накіраваны з далёкім прыцэлам менавіта на Расію. "Таму што Расія, як яны лічаць, уяўляе пагрозу для калектыўнага Захаду", - растлумачыў ён.-0-