ДЗЯРЖОРГАНЫДЗЯРЖОРГАНЫ
Флаг Серада, 29 чэрвеня 2022
Мінск Пераменная воблачнасць +22°C
Усе навіны
Усе навіны
Палітыка
16 лютага 2022, 16:31

Макей: Беларусь мае намер і ў далейшым адыгрываць ролю донара бяспекі

Фота з архіва
Фота з архіва

16 лютага, Мінск /Кар. БЕЛТА/. Беларусь мае намер і ў далейшым адыгрываць ролю донара бяспекі. Аб гэтым заявіў сёння журналістам міністр замежных спраў Уладзімір Макей, перадае карэспандэнт БЕЛТА.

"Мы маем намер і ў далейшым адыгрываць ролю донара бяспекі, як бы хто скептычна ні ставіўся да гэтага ў цяперашняй сітуацыі, сітуацыі санкцыйнага процістаяння паміж Беларуссю і Еўрапейскім саюзам", - сказаў кіраўнік МЗС.

"Ніхто не можа папракнуць Беларусь, што мы садзейнічалі росту напружанасці, нестабільнасці ў нашым рэгіёне і свеце ў цэлым", - канстатаваў міністр. У сувязі з гэтым ён нагадаў аб шматлікіх ініцыятывах беларускага боку, вылучаных на міжнародных пляцоўках: гэта і тэматыка барацьбы з гандлем людзьмі, і ідэя аб арганізацыі дыялогу "Хельсінкі-2", і аб стварэнні пояса лічбавага добрасуседства. Многія такія ідэі абмяркоўваліся, напрыклад, на такіх пляцоўках, як "Мінскі дыялог", дзе замежныя партнёры маглі размаўляць, як сказаў міністр, не адзін аб адным, а адзін з адным.

На яго думку, выхад з цяперашняй няпростай сітуацыі ў еўрапейскім рэгіёне - толькі ў спробах знайсці ўзаемапрымальныя агульныя падыходы, настойліва пашыраць дыялог, як бы складана гэта ні было. "Мы не адмаўляемся ад гэтай ролі і не мае намеру рабіць захады, якія прывялі б да росту напружанасці ў нашым рэгіёне. Але, зразумела, мы таксама не можам назіраць спакойна за тым, што адбываецца вакол нас. Калі давядзецца, мы вымушаны будзем рэагаваць на рост напружанасці ў нашым рэгіёне і тое, што адбываецца каля нашых заходніх і паўднёвых граніц. Мы будзем рабіць адэкватныя захады", - падкрэсліў Уладзімір Макей.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі