ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -2°C
Усе навіны
Усе навіны
Палітыка
12 кастрычніка 2022, 11:19

Макей: Беларусь і Таджыкістан вызначылі канкрэтныя напрамкі для паглыблення ўзаемадзеяння

12 кастрычніка, Душанбэ /Кар. БЕЛТА/. Беларусь і Таджыкістан вызначылі канкрэтныя напрамкі для паглыблення ўзаемадзеяння. Аб гэтым заявіў журналістам у Душанбэ міністр замежных спраў Беларусі Уладзімір Макей, перадае карэспандэнт БЕЛТА.

Уладзімір Макей адзначыў, што ўзровень гандлёва-эканамічнага ўзаемадзеяння з Таджыкістанам не адпавядае палітычным адносінам. Але тут, паводле яго слоў, віна не столькі абедзвюх краін, колькі таго, што адбываецца вакол: пандэміі, радыкальнай канфрантацыі, міжнародных канфліктаў. Ад гэтага церпяць гандлёва-эканамічныя адносіны паміж многімі дзяржавамі.

"Важна было вызначыць тыя пункты, напрамкі ўзаемадзеяння, якія дазволяць нам не толькі захаваць цяперашні ўзровень, але і дасягнуць большых вынікаў. Нам гэта ўдалося. Вызначаны дакладныя, канкрэтныя напрамкі, па якіх мы павінны рухацца", - падкрэсліў міністр.

Па выніках перагавораў прэзідэнтаў Беларусі і Таджыкістана ў Душанбэ была падпісана дарожная карта развіцця супрацоўніцтва паміж краінамі да 2026 года. "Там 38 мерапрыемстваў, якія датычацца нашага ўзаемадзеяння ў розных сферах і галінах", - расказаў кіраўнік знешнепалітычнага ведамства.

Паралельна з візітам Аляксандра Лукашэнкі ў сталіцы Таджыкістана прайшоў бізнес-форум з удзелам дзелавых колаў абедзвюх краін. Беларускія прадпрыемствы заключылі там кантракты практычна на $50 млн. Хоць першапачаткова планавалася, што сума дамоўленасцей складзе крыху больш за $30 млн.

Краіны таксама дамовіліся развіваць працуючыя ўжо сумесныя вытворчасці і ствараць новыя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі