16 лютага, Мінск /Кар. БЕЛТА/. Беларусь і Кітай абмяркоўваюць вывад адносін на больш высокі ўзровень. Аб гэтым міністр замежных спраў Уладзімір Макей заявіў сёння на прэс-канферэнцыі ў Мінску, перадае карэспандэнт БЕЛТА.
"Мы цяпер працуем над арганізацыяй прамых кантактаў нашых кіраўнікоў. Думаю, што ў ходзе маючых адбыцца кантактаў нашы кіраўнікі абмяркуюць шэраг важных пытанняў, якія прывядуць да далейшага паглыблення і ўмацавання нашага супрацоўніцтва", - сказаў Уладзімір Макей.
Міністр падкрэсліў, што Кітай з'яўляецца для Беларусі стратэгічным партнёрам і яна зацікаўлена ва ўсебаковым развіцці адносін з КНР. "Мы зацікаўлены ў супрацоўніцтве з тымі краінамі, якія для нас адкрываюць дзверы, - падкрэсліў кіраўнік знешнепалітычнага ведамства. - Цяпер абмяркоўваецца шэраг канкрэтных праектаў, звязаных з далейшым адкрыццём кітайскага рынку для нашых тавараў. Гэта сельскагаспадарчыя тавары і прамысловая прадукцыя".-0-
