Мабільная версія
ДЗЯРЖОРГАНЫ

Апошнія навіны
Усе навіны

Макей: Беларусь гатова да падпісання ключавых дакументаў з ЕС, але там павінны крыху паварушыцца

Палітыка 05.03.2019 | 18:00
Уладзімір Макей. Фота з архіва
Уладзімір Макей. Фота з архіва

5 сакавіка, Мінск /Кар. БЕЛТА/. Беларусь бачыць магчымасць для хутчэйшага падпісання ключавых дакументаў з Еўрапейскім саюзам. Аб гэтым заявіў сёння журналістам міністр замежных спраў Беларусі Уладзімір Макей па выніках нарады ў кіраўніка дзяржавы, перадае карэспандэнт БЕЛТА.

"Мы бачым магчымасць хуткага завяршэння работы над гэтымі дакументамі, але нашы партнёры таксама павінны крыху паварушыцца ў гэтым плане і праявіць гатоўнасць да іх падпісання, - сказаў Уладзімір Макей. - Гэтыя дакументы, з нашага пункту гледжання, можна было б падпісаць хоць заўтра. Але, на жаль, так атрымліваецца, што з-за пазіцыі адной краіны Еўрасаюз становіцца заложнікам палітыкі гэтай краіны. Таму што адна краіна пераносіць нейкія праблемныя нюансы ў двухбаковых адносінах на ўсю палітыку Еўрасаюза".

У прыватнасці, стопарыцца падпісанне сумесных прыярытэтаў партнёрства паміж Беларуссю і Еўрапейскім саюзам да 2020 года. "Там змешчаны прымальныя для нас на гэтым этапе патрабаванні. Але мы нават і не атрымалі афіцыйнага адказу ад Еўрапейскага саюза на нашы прапановы", - адзначыў міністр.

Закранаючы пагадненне аб спрашчэнні візавых працэдур, Уладзімір Макей звярнуў увагу, што беларускі бок ужо гатовы падпісаць гэты дакумент. Аднак еўрапейскія партнёры выступаюць за яго падпісанне ва ўвязцы з пагадненнем аб рэадмісіі.

Гэты дакумент абавяжа Беларусь прымаць назад нелегальных мігрантаў з розных краін, якія трапілі ў Еўрапейскі саюз праз яе тэрыторыю. Таму ў краіне прапрацоўваюць пытанне, як кампенсаваць фінансавыя затраты на дэпартацыю гэтых грамадзян у іх краіны. "Мы цяпер працуем над канкрэтным дакументам, які меў бы юрыдычна абавязацельны характар для ўсіх бакоў-удзельнікаў (Беларусі і Еўрапейскага саюза) і які даваў бы магчымасць прыцягнуць знешняе фінансаванне на праблемы вяртання нелегальных мігрантаў з Беларусі ў краіны іх пражывання", - заявіў міністр.

Як падкрэслівалася на нарадзе, гэтыя дакументы павінны быць заключаны з ЕС у адпаведнасці з нацыянальнымі інтарэсамі Беларусі. "Мы павінны добра разумець, што яны не нанясуць ніякага ўрону ні Рэспубліцы Беларусь, ні нашаму грамадству і не парушаць стабільнасці, спакою і міру ў нашым рэгіёне", - дадаў Уладзімір Макей.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".