ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
Палітыка
06 мая 2022, 12:23

Макей: адмена святкавання Дня Перамогі ў некаторых краінах - гэта кан'юнктурная пазіцыя

Уладзімір Макей
Уладзімір Макей

6 мая, Мінск /Кар. БЕЛТА/. Адмена святкавання Дня Перамогі ў некаторых краінах - гэта кан'юнктурная пазіцыя. Аб гэтым заявіў журналістам міністр замежных спраў Уладзімір Макей, перадае карэспандэнт БЕЛТА.

Уладзімір Макей адзначыў, што святкаванне Дня Перамогі ігнаруюць у першую чаргу тыя краіны, якія ў свой час уступілі ў Еўрапейскі саюз. "Сёння яны вымушаны выконваць гэты "дэмакратычны" прынцып еўрапейскай салідарнасці, гэта значыць калі табе даводзяць пазіцыю і ты абавязаны яе выконваць", - падкрэсліў міністр.

Ён нагадаў, што спробы перапісаць гісторыю пачаліся яшчэ задоўга да сённяшніх падзей. "Тэндэнцыя фальсіфікацыі гісторыі пачыналася з невялікіх момантаў, звязаных са зневажаннем, знішчэннем помнікаў. Затым былі спробы паставіць на адну дошку савецкага салдата і фашыста, - адзначыў Уладзімір Макей. - Усё гэта вылілася ў спробы фальсіфікацыі гісторыі і абялення злачынстваў нацызму і фашызму. Для нас гэта абсалютна непрымальна".

Кіраўнік МЗС заўважыў, што сёння на фоне антырасійскай істэрыі і ў выніку націску Захаду асобныя постсавецкія краіны занялі кан'юнктурную пазіцыю. Там мяняюць фармат святкавання Дня Перамогі, нават саму назву свята. Дзесьці забараняюцца чырвоныя сцягі, пад якімі вызвалялася Еўропа.

"Мы проста абавязаны памятаць аб тых мільёнах загінулых, у прыватнасці аб кожным трэцім загінулым беларусе. І гэта памяць абавязвае нас паводзіць сябе дастойна. Мы не павінны забываць тыя зверствы, якія ўчынялі фашысты на нашай зямлі", - падкрэсліў Уладзімір Макей.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі