Мабільная версія
ДЗЯРЖОРГАНЫ

Апошнія навіны
Усе навіны

Макей аб запрашэнні на выбары замежных наглядальнікаў: гэта сведчыць аб адкрытасці Беларусі

Палітыка 23.08.2019 | 11:46
Уладзімір Макей. Фота з архіва
Уладзімір Макей. Фота з архіва

23 жніўня, Мінск /Уладзімір Мацвееў - БЕЛТА/. Запрашэнне на выбары замежных наглядальнікаў ад розных міжнародных структураў сведчыць аб адкрытасці беларускага боку. Аб гэтым сёння заявіў журналістам міністр замежных спраў Беларусі Уладзімір Макей, перадае карэспандэнт БЕЛТА.

"Накіравалі запрашэнні ўсім партнёрам, хто ажыццяўляе назіранне за выбарамі. Парламент таксама па сваёй лініі накіраваў запрашэнні парламенцкім структурам", - сказаў міністр.

У бліжэйшыя дні ў Беларусі будзе працаваць ацэначная місія БДІПЧ АБСЕ, якая вывучыць перадвыбарную сітуацыю, удакладніць колькасць акруг, магчымую колькасць наглядальнікаў (кароткатэрміновых і доўгатэрміновых), якая спатрэбіцца для правядзення назірання за выбарамі. "Далей будзе прымацца адпаведнае рашэнне. Гэта традыцыйная практыка. Выказваючы гатоўнасць да міжнароднага ўзаемадзеяння і супрацоўніцтва, з першых дзён (практычна пасля таго, як была аб'яўлена дата выбараў) мы накіравалі запрашэнні ўсім міжнародным структурам, якія ажыццяўляюць назіранне за выбарамі. Гэта сведчыць аб адкрытасці беларускага боку", - падкрэсліў Уладзімір Макей.

"Відаць, пэўную групу, можа, пару дзясяткаў, БДІПЧ накіруе загадзя - прыкладна за месяц. А непасрэдна за некалькі дзён перад выбарамі прыедзе асноўная група - кароткатэрміновыя наглядальнікі. Звычайна некалькі соцень - амаль 300-400 чалавек. Мы ніколі не абмяжоўвалі і не збіраемся абмяжоўваць гэту колькасць", - падкрэсліў міністр.

Ён удакладніў, што акрамя БДІПЧ АБСЕ запрашэнні ў тым ліку накіраваны па лініях ШАС і СНД, міжпарламенцкага ўзаемадзеяння. Акрамя таго, заўсёды даволі вялікая колькасць замежных грамадзян выказвае жаданне выступаць у якасці індывідуальных наглядальнікаў. "Таксама будзем разглядаць ва ўстаноўленым парадку. У нас ёсць адпаведнае заканадаўства наконт гэтага", - адзначыў Уладзімір Макей.

Разам з тым беларускі бок будзе дзейнічаць у строгай адпаведнасці з дзеючым нацыянальным заканадаўствам. "Ёсць шэраг жадаючых, якія не маюць ніякіх адносін да назірання за выбарамі і выкарыстоўваюць гэта ў палітычных мэтах. Нейкія там самаствораныя структуры... Мы будзем рабіць усё ў адпаведнасці з беларускім заканадаўствам, грунтуючыся строга на яго палажэннях і ва ўзаемадзеянні з Цэнтральнай выбарчай камісіяй, нашым парламентам", - удакладніў кіраўнік знешнепалітычнага ведамства.

Гаворачы аб магчымай агульнай колькасці міжнародных наглядальнікаў, якія могуць прыехаць на маючыя адбыцца парламенцкія выбары, міністр адзначыў, што гэта залежыць ад шэрага фактараў. "Ад таго, якія выбарчыя кампаніі праходзяць у іншых краінах, якія магчымасці, патэнцыялы таго ж БДІПЧ або штаб-кватэры СНД па накіраванні наглядальнікаў", - сказаў ён.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзень без аўтамабіля ў Мінску Дзень без аўтамабіля завяршае Еўрапейскі тыдзень мабільнасці, мэта якога - прыцягнуць насельніцтва да выкарыстання альтэрнатыў аўтамабільнаму транспарту.