ДЗЯРЖОРГАНЫДЗЯРЖОРГАНЫ
Флаг Чацвер, 20 студзеня 2022
Мінск -5°C
Усе навіны
Усе навіны
Палітыка
16 лістапада 2021, 16:58

Макарэвіч: варварская палітыка калектыўнага Захаду нацэлена на разбурэнне суверэнных дзяржаў

16 лістапада, Мінск /Кар. БЕЛТА/. Варварская палітыка калектыўнага Захаду нацэлена на разбурэнне суверэнных дзяржаў. Такое меркаванне журналістам выказаў старшыня Маладзёжнага парламента пры Нацыянальным сходзе Беларусі Ягор Макарэвіч, каменціруючы сітуацыю на беларуска-польскай граніцы, перадае карэспандэнт БЕЛТА.

"Мы бачым, як у інфармацыйным полі гэту тэму стараюцца паднесці, асабліва апаненты беларускай улады. Мы лічым, што тут не павінна быць ніякіх інсінуацый. Гэта вялікая праблема, у першую чаргу для бежанцаў, для тых людзей, якія бягуць ад вайны. Таму члены Маладзёжнага парламента сустракаюцца ў студэнцкіх калектывах. Літаральна на мінулым тыдні прайшло некалькі такіх сустрэч, каб маладыя людзі сапраўды разумелі вытокі гэтай праблемы. А вытокі тут адны - гэта варварская палітыка калектыўнага Захаду, якая нацэлена на разбурэнне суверэнных дзяржаў. І сёння гэтыя людзі бягуць ад вайны і гора", - сказаў Ягор Макарэвіч.

Паводле яго слоў, сёння ў Беларусі маладыя людзі не толькі маюць сучаснасць, але і выразна бачаць будучыню ў сваёй краіне, асацыіруюць сябе з дзяржавай. "Людзей, якія сёння знаходзяцца на беларуска-польскай граніцы, на жаль, пазбавілі сучаснасці, а сёння такімі дзеяннямі іх спрабуюць пазбавіць і будучыні, - адзначыў старшыня Маладзёжнага парламента. - Мы бачым, што гэту праблему спрабуюць усялякім чынам перакінуць на плечы Беларусі. Але яна павінна вырашацца тымі краінамі, якія сталі лакаматывам у гэтым працэсе".

Ягор Макарэвіч выказаў надзею, што сітуацыя з бежанцамі на беларуска-польскай граніцы будзе вырашана ў бліжэйшы час. "Таму што немагчыма ў цывілізаваным свеце дапускаць такое стаўленне да людзей. У першую чаргу да дзяцей, жанчын. Тут хочацца ўспомніць падзеі 2020 года, калі нас спрабавалі вучыць дэмакратыі, свабодзе слова, правам чалавека. Хоць мы абаранялі свае дзяржаўныя інтарэсы, свой канстытуцыйны лад, выбар, які быў зроблены народам. А сёння мы бачым зверскае стаўленне да людзей, якія з пункту гледжання ўсіх міжнародных норм з'яўляюцца бежанцамі, якія шукаюць прыстанішча і просяць іх прыняць у тых краінах, якія ў свой час іх да сябе запрашалі", - канстатаваў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі