ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -6°C
Усе навіны
Усе навіны
Палітыка
03 лістапада 2022, 10:48

Лебедзеў: нарошчванне супрацоўніцтва краін СНД у ваеннай сферы з'яўляецца стабілізуючым фактарам

Сяргей Лебедзеў. Фота з архіва
Сяргей Лебедзеў. Фота з архіва

3 лістапада, Масква /Эдуард Півавар - БЕЛТА/. Нарошчванне супрацоўніцтва краін СНД у ваеннай сферы з'яўляецца стабілізуючым фактарам. Аб гэтым заявіў выканаўчы сакратар СНД Сяргей Лебедзеў сёння ў Маскве на 10-й сустрэчы сакратароў саветаў бяспекі дзяржаў - удзельніц СНД, у якой прымае ўдзел дзяржаўны сакратар Савета бяспекі Беларусі Аляксандр Вальфовіч, перадае карэспандэнт БЕЛТА.

"У цяперашняй трывожнай абстаноўцы стабілізуючым фактарам з'яўляецца нарошчванне супрацоўніцтва ў ваеннай сферы, - сказаў Сяргей Лебедзеў. - У сувязі з гэтым прадаўжаецца ўдасканаленне сумесных сістэм ваеннага прызначэння, уключаючы аб'яднаную сістэму проціпаветранай абароны, аб'яднаную сістэму кантролю і ацэнкі радыяцыйнай, біялагічнай і хімічнай бяспекі, адзіную геаінфармацыйную сістэму ваеннага прызначэння і шэраг іншых".

"У ваенным супрацоўніцтве важны акцэнт зроблены на ўдасканаленні прафесійнай падрыхтоўкі шляхам правядзення сумесных вучэнняў, міжнародных гульняў і конкурсаў", - дадаў ён.

Сяргей Лебедзеў таксама паведаміў, што ў бліжэйшы час плануецца правядзенне пасяджэння Савета міністраў абароны краін СНД, якое пройдзе ў Маскве.

На сустрэчы сакратароў саветаў бяспекі абмяркоўваюцца актуальныя пытанні міжнароднай і рэгіянальнай бяспекі, у тым ліку развіццё сітуацыі на постсавецкай прасторы ў кантэксце праводзімай Расіяй спецыяльнай ваеннай аперацыі ва Украіне. Разглядаюцца пытанні процідзеяння дэструктыўнай дзейнасці замежных няўрадавых арганізацый, гераізацыі фашызму і фальсіфікацыі гісторыі ў дзяржавах СНД. Акрамя таго, удзельнікі нарады абмяркоўваюць праблематыку забеспячэння ядзернай бяспекі і нераспаўсюджвання ядзернай зброі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі