18 снежня, Мінск /Кар. БЕЛТА/. Старшыня Выканаўчага камітэта - выканаўчы сакратар СНД Сяргей Лебедзеў разлічвае, што Украіна прадоўжыць узаемадзеянне ў рамках Садружнасці. Аб гэтым ён заявіў сёння журналістам перад пачаткам пасяджэння Савета пастаянных паўнамоцных прадстаўнікоў дзяржаў - удзельніц Садружнасці пры статутных і іншых органах СНД у Выканкаме СНД у Мінску, перадае карэспандэнт БЕЛТА.
"Украіна пакуль захоўвае і падтрымлівае адносіны з краінамі СНД. У якасці прыкладу я магу прывесці і Беларусь, і Малдову. Тут кантакты прадаўжаюцца і на вышэйшым узроўні", - сказаў Сяргей Лебедзеў.
Паводле яго слоў, Прэзідэнт Украіны даў распараджэнне прааналізаваць дагаворы краіны ў рамках СНД. "Такая работа ідзе, але мы спадзяёмся, што Украіна прадоўжыць узаемадзеянне ў рамках Садружнасці. Гэта важна для Украіны. Я спадзяюся, што розум, логіка і прагматызм перамогуць", - сказаў Сяргей Лебедзеў.-0-
