Сцяг Субота, 15 чэрвеня 2024
Усе навіны
Усе навіны
Палітыка
19 студзеня 2023, 12:03

Лаўроў на сустрэчы ў Мінску: абмяркуем абстаноўку, якая склалася ў выніку лініі Захаду на татальнае дамінаванне

19 студзеня, Мінск /Кар. БЕЛТА/. Кіраўнік расійскага знешнепалітычнага ведамства лічыць важным і своечасовым пасяджэнне ў Мінску калегій міністэрстваў замежных спраў Беларусі і Расіі. На гэта міністр замежных спраў Расіі Сяргей Лаўроў звярнуў увагу ў час сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Вялікі дзякуй за сустрэчу. Перш за ўсё прывітанне ад Уладзіміра Уладзіміравіча. Хоць вы з ім сустракаецеся... мы палічылі - у мінулым годзе 10 разоў вы асабіста сустракаліся, акрамя тэлефонных кантактаў. Таму нам на ўзроўні кіраўнікоў знешнепалітычных ведамстваў не ўгнацца за вамі. Але так і павінна быць", - упэўнены Сяргей Лаўроў.

У сувязі з гэтым Аляксандр Лукашэнка сказаў: "У гэтым годзе яшчэ больш будзем сустракацца".

Міністр замежных спраў Расіі падкрэсліў: "Пасяджэнне дзвюх калегій як ніколі своечасовае. Пытанні, якія будзем абмяркоўваць, датычацца той абстаноўкі, якая склалася ў выніку лініі нашых заходніх калег на татальнае дамінаванне, на чале з амерыканцамі, якія ўсіх астатніх пастроілі. І гэта назіраецца ў пазіцыі НАТА, само сабой, Еўрасаюза. Савет Еўропы пайшоў па гэтым шляху ўжо. І шмат праблем збіраецца ў АБСЕ".

Сяргей Лаўроў заявіў, што гэта адны з галоўных пытанняў на парадку дня пасяджэння калегій міністэрстваў замежных спраў Беларусі і Расіі, "нараўне з супрацоўніцтвам у міжнародных арганізацыях, дзе нам важна не дапусціць прыватызацыі сакратарыятаў, гэта таксама Захад спрабуе зрабіць".

Візіт Сяргея Лаўрова праходзіць 18-19 студзеня для ўдзелу ў сумесным пасяджэнні калегій міністэрстваў замежных спраў Беларусі і Расіі, якое арганізуецца штогод для абмеркавання актуальных тэм двухбаковага супрацоўніцтва ў знешнепалітычнай сферы.

Пасля сустрэчы з Прэзідэнтам Беларусі пройдуць перагаворы міністраў замежных спраў дзвюх краін у фармаце "сам-насам". Затым міністры наведаюць выстаўку Нацыянальнага гістарычнага музея Беларусі "Мундзір для героя", прысвечаную 210-годдзю Перамогі ў Айчыннай вайне 1812 года (у будынку МЗС).

Далей адбудзецца сумеснае пасяджэнне калегій знешнепалітычных ведамстваў Беларусі і Расіі.-0-

Падпісвайцеся на нас у
Twitter
Топ-навіны
Свежыя навіны Беларусі