Мабільная версія
ДЗЯРЖОРГАНЫ

Апошнія навіны
Усе навіны

Лаўроў: Беларусь і Расія з'яўляюцца аднадумцамі на міжнароднай арэне

Палітыка 12.04.2019 | 17:42
Сяргей Лаўроў. Фота з архіва
Сяргей Лаўроў. Фота з архіва

12 красавіка, Масква /Эдуард Півавар - БЕЛТА/. Беларусь і Расія з'яўляюцца аднадумцамі на міжнароднай арэне. Аб гэтым заявіў кіраўнік МЗС РФ Сяргей Лаўроў сёння ў Маскве на ўстаноўчай канферэнцыі Асацыяцыі знешнепалітычных даследаванняў імя А.А. Грамыкі, перадае карэспандэнт БЕЛТА.

"Бягучы год праходзіць пад знакам 20-годдзя стварэння Саюзнай дзяржавы, - нагадаў Сяргей Лаўроў. - Асабліва важна, што за мінулы час удалося наладзіць эфектыўную двухбаковую знешнепалітычную каардынацыю. Сёння Масква і Мінск - саюзнікі і аднадумцы на міжнародай арэне, паслядоўныя прыхільнікі далейшага развіцця еўразійскай інтэграцыі, фарміравання ў Еўраатлантыцы архітэктуры роўнай і непадзельнай бяспекі". Ён выказаў упэўненасць, што сумесныя намаганні дзвюх краін адпавядаюць карэнным інтарэсам брацкіх народаў, задачам падтрымання рэгіянальнай стабільнасці.

Кіраўнік МЗС Расіі таксама вітаў энергічны ўдзел беларускага боку ў рабоце ўстаноўчай канферэнцыі Асацыяцыі знешнепалітычных даследаванняў. "У мяне няма сумненняў, што асацыяцыя будзе ўносіць карысны ўклад у экспертна-аналітычнае суправаджэнне інтэграцыйных працэсаў па лініі Саюзнай дзяржавы, Еўразійскага эканамічнага саюза, іншых аб'яднанняў на постсавецкай прасторы", - выказаў упэўненасць Сяргей Лаўроў.

Ва ўстаноўчай канферэнцыі прынялі ўдзел Надзвычайны і Паўнамоцны Пасол Беларусі ў Расіі Уладзімір Сямашка, дзяржаўны сакратар Саюзнай дзяржавы Рыгор Рапота, старшыня Пастаяннай камісіі Савета Рэспублікі Нацыянальнага сходу Беларусі па міжнародных справах і нацыянальнай бяспецы Сяргей Рахманаў, кіраўнікі акадэмічных інстытутаў, рэктары ВНУ, вядучыя вучоныя і эксперты з Беларусі і Расіі.

Ініцыятыва па стварэнні асацыяцыі прымеркавана да 110-годдзя з дня нараджэння Андрэя Грамыкі - ураджэнца Беларусі, які на працягу 28 гадоў узначальваў МЗС СССР і ўнёс значны ўклад у фарміраванне пасляваеннай сістэмы міжнародных адносін. На ўстаноўчай канферэнцыі была таксама абмеркавана падрыхтоўка да правядзення асацыяцыяй першай экспертнай сесіі высокага ўзроўню ў ліпені ў Санкт-Пецярбургу на VI Форуме рэгіёнаў Беларусі і Расіі.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.