15 лістапада, Масква /Эдуард Півавар - БЕЛТА/. Міністр замежных спраў Расіі Сяргей Лаўроў 22 лістапада ў Мінску прыме ўдзел у сумесным пасяджэнні Савета міністраў замежных спраў, Савета міністраў абароны і Камітэта сакратароў саветаў бяспекі АДКБ. Аб гэтым паведаміла на брыфінгу афіцыйны прадстаўнік МЗС Расіі Марыя Захарава, перадае карэспандэнт БЕЛТА.
"Мерапрыемства адбудзецца пад старшынствам беларускага боку, у Мінску, напярэдадні чарговай сесіі Савета калектыўнай бяспекі АДКБ", - сказала Марыя Захарава.
Паводле яе слоў, на сумесным пасяджэнні прадугледжаны абмен меркаваннямі аб ваенна-палітычнай абстаноўцы ў зоне адказнасці Арганізацыі і сумежных раёнах, абмеркаванне вынікаў шматбаковага супрацоўніцтва ў рамках АДКБ і перспектыў далейшага развіцця сістэмы калектыўнай бяспекі АДКБ.
"Чакаецца, што кіраўнікамі дэлегацый будзе адобраны шэраг сумесных дакументаў", - дадала афіцыйны прадстаўнік МЗС РФ.-0-
