Сцяг Серада, 21 лютага 2024
Усе навіны
Усе навіны
Палітыка
01 лютага 2023, 13:31

Крутой прапанаваў Нікарагуа павялічыць тавараабарот за кошт паставак беларускай тэхнікі

1 лютага, Масква /Эдуард Півавар - БЕЛТА/. Пытанні беларуска-нікарагуанскага супрацоўніцтва і развіцця дагаворна-прававой базы, узаемадзеянне Беларусі і Нікарагуа ў ААН абмеркавалі пасол Беларусі ў Расіі Дзмітрый Крутой і пасол Нікарагуа ў РФ і Беларусі па сумяшчальніцтве Альба Асусена Торэс Мехія. Аб гэтым БЕЛТА паведамілі ў прэс-службе беларускай дыпмісіі.

"Кіраўнікі дыпламатычных місій канстатавалі канструктыўны палітычны дыялог Беларусі і Нікарагуа і выказаліся за яго актывізацыю на ўсіх узроўнях, - расказалі ў беларускім дыппрадстаўніцтве. - Паслы адзначылі значны нерэалізаваны патэнцыял у гандлёва-эканамічнай сферы, абмеркавалі шляхі павелічэння тавараабароту. Сярод найбольш перспектыўных напрамкаў Дзмітрый Крутой выдзеліў пастаўкі вырабленай у Беларусі прадукцыі машынабудавання, у тым ліку трактароў, грузавых аўтамабіляў, сельскагаспадарчай і дарожна-будаўнічай тэхнікі. Звярнуў увагу на паспяховы беларускі вопыт у прымяненні перадавых айчынных тэхналогій у сельскай гаспадарцы".

Пасол Нікарагуа падкрэсліла, што часта наведвае Беларусь, заявіла аб вялікай зацікаўленасці ўрада краіны ва ўмацаванні сувязей з Беларуссю і выказала гатоўнасць усяляк гэтаму садзейнічаць. Дыпламат паведаміла аб намеры наведаць Мінск з візітам у самы бліжэйшы час і правесці сустрэчы ў зацікаўленых міністэрствах і ведамствах.

Бакі абмяняліся думкамі аб магчымых тэрмінах правядзення сумесных мерапрыемстваў, уключаючы палітычныя кансультацыі і чарговае пасяджэнне беларуска-нікарагуанскай сумеснай камісіі па гандлёва-эканамічным супрацоўніцтве.

"У ходзе абмеркавання шматбаковага парадку дня Дзмітрый Крутой і Альба Асусена Торэс Мехія пацвердзілі нацэленасць Беларусі і Нікарагуа на выбудоўванне справядлівага і дэмакратычнага светапарадку, заснаванага на міжнародным праве і павазе суверэннай роўнасці дзяржаў", - падкрэслілі ў прэс-службе.-0-

Падпісвайцеся на нас у
Twitter
Топ-навіны
Свежыя навіны Беларусі