23 сакавіка, Масква /Эдуард Півавар - БЕЛТА/. XIV нарада кіраўнікоў (начальнікаў штабоў) нацыянальных антытэрарыстычных цэнтраў дзяржаў - удзельніц СНД адбудзецца 26 сакавіка ў штаб-кватэры Антытэрарыстычнага цэнтра дзяржаў - удзельніц СНД у фармаце відэаканферэнцыі. Тэма нарады - "Пытанні барацьбы з тэрарызмам у рамках СНД ва ўмовах трансфармацыі пагроз нацыянальнай бяспецы", паведамілі БЕЛТА ў прэс-бюро АТЦ.
"Удзельнікі абмяркуюць тэндэнцыі і фактары, якія ўплываюць на бяспеку дзяржаў - удзельніц СНД на сучасным этапе, сфарміруюць прагноз развіцця абстаноўкі на кароткатэрміновую перспектыву і вызначаць прыярытэтныя напрамкі супрацоўніцтва органаў бяспекі і спецыяльных службаў у сферы барацьбы з тэрарызмам і экстрэмізмам, - расказалі ў прэс-бюро. - Асобнай тэмай для абмеркавання стане правядзенне сумеснага антытэрарыстычнага вучэння кампетэнтных органаў дзяржаў - удзельніц СНД "Каспій-Антытэрор - 2021".
У мерапрыемстве плануецца ўдзел прадстаўнікоў кампетэнтных органаў дзевяці дзяржаў Садружнасці: Беларусі, Азербайджана, Арменіі, Казахстана, Кыргызстана, Малдовы, Расіі, Таджыкістана і Узбекістана, а таксама Выканаўчага камітэта СНД, міністэрстваў абароны і замежных спраў Расіі.-0-
