ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Пераменная воблачнасць +16°C
Усе навіны
Усе навіны
Палітыка
03 красавіка 2020, 18:00

Краіны АДКБ выпрацуюць калектыўныя меры на выпадак рэзкага пагаршэння эпідабстаноўкі

Фота з архіва
Фота з архіва

3 красавіка, Масква /Эдуард Півавар - БЕЛТА/. Краіны АДКБ выпрацуюць сумесныя меры калектыўнага рэагавання ў выпадку рэзкага пагаршэння эпідэміялагічнай абстаноўкі з-за распаўсюджвання COVID-19 у зоне адказнасці арганізацыі. Аб гэтым БЕЛТА паведаміў прэс-сакратар АДКБ Уладзімір Зайнетдзінаў па выніках праведзеных сёння тэлефонных перагавораў генеральнага сакратара АДКБ Станіслава Зася з сакратарамі саветаў бяспекі дзяржаў - членаў АДКБ, у тым ліку Беларусі.

Адбыўся абмен думкамі па эпідэміялагічнай абстаноўцы ў кожнай дзяржаве, што ўваходзіць у арганізацыю, і прымаемых мерах па процідзеянні распаўсюджванню каранавіруса, а таксама мінімізацыі наступстваў. "Субяседнікі дамовіліся прадоўжыць кансультацыі для выпрацоўкі мер калектыўнага рэагавання ў выпадку рэзкага пагаршэння эпідэміялагічнай абстаноўкі ў зоне адказнасці АДКБ", - адзначыў прэс-сакратар.

Было канстатавана, што сітуацыя ў краінах АДКБ кантралюемая. "Эфектыўнасць такога кантролю дасягаецца шляхам своечасовага прымянення абмежавальных і прэвентыўных мер, якія прымаюцца ўрадамі, структурамі аховы здароўя, санэпіднагляду і кампетэнтнымі органамі дзяржаў - членаў АДКБ", - адзначыў Станіслаў Зась. Ён звярнуў увагу, што ў Таджыкістане да гэтага часу афіцыйна не зафіксавана ні аднаго выпадку заражэння каранавірусам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі