Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

Кітай выступае за выхад супрацоўніцтва з Беларуссю на яшчэ больш высокі ўзровень - Цуй Цымін

Палітыка 20.06.2019 | 18:23

20 чэрвеня, Мінск /Аліна Грышкевіч - БЕЛТА/. Кітай выступае за выхад супрацоўніцтва з Беларуссю на новы, яшчэ больш высокі ўзровень. Аб гэтым заявіў пасол Кітая ў Беларусі Цуй Цымін у Доме дружбы на пасяджэнні дыскусійнага клуба, прымеркаваным да 70-годдзя ўтварэння КНР, паведамляе карэспандэнт БЕЛТА.

Кіраўнік дыпмісіі падкрэсліў, што Кітай і Беларусь з'яўляюцца ўсебаковымі стратэгічнымі партнёрамі. "Дзякуючы асабістаму ўдзелу Старшыні КНР Сі Цзіньпіна і Прэзідэнта Беларусі Аляксандра Лукашэнкі кітайска-беларускія адносіны знаходзяцца на высокім узроўні. Кітай гатовы пастаянна ўмацоўваць дружалюбнае супрацоўніцтва з Беларуссю ў розных галінах і прадаўжаць выводзіць адносіны на новы ўзровень", - сказаў ён.

Пасол звярнуў увагу, што ў бягучым годзе спаўняецца 70 гадоў з дня заснавання Кітайскай Народнай Рэспублікі. "За гэты перыяд дзяржава дасягнула маштабных поспехаў па ўсіх напрамках, пачалася новая эпоха развіцця сацыялізму з кітайскай спецыфікай. Мы стварылі эфектыўную сістэму народнай гаспадаркі, выйшлі на скорасць развіцця, новую для сусветнага эканамічнага развіцця. Кітай па ўзроўні ВУП у мінулым годзе заняў другое месца ў свеце", - адзначыў Цуй Цымін. Дасягненні кітайскіх вучоных у галіне навукі і тэхналогій таксама прыкметныя на міжнароднай арэне. "Высокатэмпературная звышправоднасць, нанатэхналогіі і іншыя прарывы ў фундаментальнай навуцы, супергібрыдны рыс, высокапрадукцыйныя камп'ютары і іншыя інжынерныя дасягненні забяспечваюць магутную падтрымку эканамічнага і сацыяльнага развіцця Кітая", - прадоўжыў Цуй Цымін.

Ён таксама адзначыў: "Будаўніцтва ініцыятывы "Пояс і шлях" - новы стыль адкрытасці Кітая знешняму свету. З моманту яе вылучэння Кітай сумесна з іншымі краінамі, у тым ліку Беларуссю, садзейнічае палітычным стасункам, расшырэнню эканамічнай інфраструктуры супрацоўніцтва, бесперашкоднаму гандлю. "Пояс і шлях" не толькі эканамічнае супрацоўніцтва, але і важны спосаб удасканалення мадэлі глабальнага развіцця і кіравання, садзейнічання здароваму развіццю эканамічнай глабалізацыі".-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.