19 лістапада, Мінск /Кар. БЕЛТА/. Кітай у новую эпоху прадаўжае нязменна развіваць гістарычны працэс вялікага адраджэння кітайскай нацыі. Важнасць гэтага адзначыў загадчык Аддзела міжнародных сувязей ЦК КПК Сун Таа 19 лістапада на міжнароднай відэапрэзентацыі (брыфінгу) вынікаў 6-га Пленума Цэнтральнага камітэта Камуністычнай партыі Кітая 19-га склікання, які адбыўся 8-11 лістапада, паведамляе карэспандэнт БЕЛТА.
Сун Таа падкрэсліў, што важным вынікам пленума стала прыняцце гістарычнай рэзалюцыі "Рашэнне ЦК КПК па асноўных дасягненнях і гістарычным вопыце стагадовай барацьбы партыі". На пленуме было адзначана, што з часу правядзення XVIII з'езда КПК сацыялізм з кітайскай спецыфікай уступіў у новую эпоху. Галоўныя задачы партыі - ажыццявіць мэту, намечаную да стагадовага юбілею КПК, пачаць новы паход да рэалізацыі мэты, намечанай да стагоддзя КНР (2049 год), прадаўжаць рухацца наперад да дасягнення маштабнай мэты вялікага адраджэння кітайскай нацыі. "Партыя вядзе за сабой кітайскі народ, будучы ўпэўненай у сваіх сілах і нястомна накіраванай наперад, на аснове захавання традыцыйных асноў і развіцця інавацыйнай дзейнасці, і дабілася вялікіх поспехаў у справе сацыялізму з кітайскай спецыфікай у новую эпоху", - адзначалася ў час відэапрэзентацыі.
У час мерапрыемства была звернута ўвага, што кітайскія камуністы, галоўным прадстаўніком якіх з'яўляецца Сі Цзіньпін, прадаўжаюць злучаць асноўныя палажэнні марксізму з канкрэтнай спецыфікай Кітая, з традыцыйнай кітайскай культурай, прытрымліваючыся ідэй Маа Цзэдуна, тэорыі Дэн Сяапіна, навуковай канцэпцыі развіцця з выкарыстаннем гістарычнага вопыту, набытага партыяй з дня яе заснавання, а таксама з улікам новых рэалій. У гэтым увасоблены ідэі Сі Цзіньпіна аб сацыялізме з кітайскай спецыфікай новай эпохі.
Сі Цзіньпін на аснове глыбокага навуковага аналізу важнейшых тэарэтычных і практычных пытанняў, якія датычацца развіцця партыі і дзяржавы ў новую эпоху, сфармуляваў шэраг новых канцэпцый і новых стратэгій кіравання дзяржавай. Размова ідзе пра эпахальныя пытанні: у новую эпоху які менавіта сацыялізм з кітайскай спецыфікай трэба адстойваць, развіваць і як гэта рабіць; якую менавіта мадэрнізаваную сацыялістычную дзяржаву трэба ствараць і якім чынам; якую менавіта марксісцкую партыю, здольную працяглы час знаходзіцца на чале ўлады, трэба будаваць, і як гэта рабіць.
Як было адзначана на відэабрыфінгу, Камуністычная партыя Кітая вызначыла ролю Сі Цзіньпіна як кіруючага ядра ЦК КПК і ўсёй партыі, зацвердзіла кіраўніцкую ролю яго ідэй аб сацыялізме з кітайскай спецыфікай новай эпохі. "Гэта з'яўляецца агульным чаканнем партыі, арміі і ўсяго шматнацыянальнага народа краіны і мае вырашальнае значэнне для развіцця Кітая ў новую эпоху для падтрымання гістарычнага працэсу вялікага адраджэння кітайскай нацыі", - падкрэслілі ў час мерапрыемства.
У міжнароднай відэапрэзентацыі вынікаў 6-га Пленума ЦК КПК прынялі ўдзел прадстаўнікі розных дзяржаў, у тым ліку Беларусі.-0-
