12 мая, Мінск /Кар. БЕЛТА/. Надзвычайны і Паўнамоцны Пасол Беларусі ў Сербіі Валерый Брылёў сустрэўся са старшынёй Народнай cкупшчыны Сербіі Івіцам Дачычам. Аб гэтым БЕЛТА паведамілі ў прэс-службе МЗС Беларусі.
Падчас гутаркі быў адзначаны высокі ўзровень беларуска-сербскіх адносін і пацверджана прыхільнасць дзвюх краін да далейшага ўмацавання дружалюбных сувязей і ўзаемавыгаднага супрацоўніцтва.
Бакі выказалі зацікаўленасць у актывізацыі міждзяржаўных кантактаў. У мэтах развіцця міжпарламенцкага дыялогу старшыня Народнай скупшчыны Івіца Дачыч пацвердзіў запрашэнне кіраўніцтву Нацыянальнага сходу Беларусі наведаць Сербію з візітам.
На сустрэчы таксама ішла размова аб перспектывах паглыблення гандлёва-эканамічнага супрацоўніцтва Беларусі і Сербіі, у тым ліку аб магчымасцях для сумесных праектаў. Разгледжаны і іншыя пытанні двухбаковага ўзаемадзеяння, уключаючы ўзаемную падтрымку ў міжнародных арганізацыях.
"Субяседнікі выказалі гатоўнасць прыкласці неабходныя намаганні для эфектыўнага развіцця ўсяго комплексу беларуска-сербскіх адносін", - адзначылі ў МЗС.-0-
