2 снежня, Мінск /Кар. БЕЛТА/. Міністр замежных спраў Беларусі Уладзімір Макей у Стакгольме прыняў удзел у сустрэчы кіраўнікоў знешнепалітычных ведамстваў краін Арганізацыі Дагавора аб калектыўнай бяспецы. Аб гэтым БЕЛТА паведамілі ў прэс-службе МЗС Беларусі.
Мерапрыемства адбылося на пляцоўцы пасяджэння Савета міністраў замежных спраў АБСЕ. Міністры замежных спраў абмеркавалі каардынацыю дзеянняў у АБСЕ, сумесныя намаганні па процідзеянні негатыўным тэндэнцыям і навязванню асобнымі краінамі непрымальнага парадку дня.
Як паведамлялася, кіраўнік беларускага знешнепалітычнага ведамства Уладзімір Макей знаходзіцца з візітам у Швецыі. Там ён 2-3 снежня прымае ўдзел у пасяджэнні Савета міністраў замежных спраў АБСЕ. У час візіту ва Уладзіміра Макея запланаваны таксама двухбаковыя сустрэчы з калегамі, міністрамі замежных спраў шэрага замежных дзяржаў, кіраўніцтвам АБСЕ.-0-