23 студзеня, Мінск /Кар. БЕЛТА/. Па ініцыятыве саудаўскага боку 23 студзеня адбылася тэлефонная размова міністра замежных спраў Рэспублікі Беларусь Сяргея Алейніка з міністрам замежных спраў Каралеўства Саудаўская Аравія прынцам Фейсалам бен Фарханам аль-Саудам. Аб гэтым БЕЛТА паведамілі ў прэс-службе МЗС Беларусі.
У ходзе тэлефоннай размовы былі абмеркаваны актуальныя пытанні палітычнага і гандлёва-эканамічнага парадку дня, а таксама практычныя крокі па развіцці беларуска-саудаўскага дыялогу на бліжэйшую перспектыву.
Кіраўнікі знешнепалітычных ведамстваў пацвердзілі зацікаўленасць у актывізацыі ўсебаковага беларуска-саудаўскага супрацоўніцтва і гатоўнасць да аказання ўзаемнай падтрымкі на міжнароднай арэне.-0-
