ДЗЯРЖОРГАНЫДЗЯРЖОРГАНЫ
Флаг Субота, 3 снежня 2022
Мінск Суцэльная воблачнасць -4°C
Усе навіны
Усе навіны
Палітыка
07 чэрвеня 2022, 20:00

Кіраўнікі консульскіх службаў МЗС СНД абмеркавалі выкананне норм Венскай канвенцыі

Фота прэс-службы Выканкама СНД
Фота прэс-службы Выканкама СНД

7 чэрвеня, Мінск /Кар. БЕЛТА/. Сёння ў Мінску адбылося чарговае пасяджэнне Кансультатыўнага савета кіраўнікоў консульскіх службаў міністэрстваў замежных спраў дзяржаў - удзельніц СНД. Аб гэтым БЕЛТА паведамілі ў прэс-службе Выканкама СНД.

У фармаце відэаканферэнцыі ўдзел у ім прынялі прадстаўнікі Арменіі, Беларусі, Казахстана, Кыргызстана, Расіі, Таджыкістана, Узбекістана і Выканаўчага камітэта СНД. У якасці наглядальнікаў упершыню ў пасяджэнні савета прынялі ўдзел прадстаўнікі Туркменістана.

Удзельнікі пасяджэння абмеркавалі праблемныя пытанні выканання норм Венскай канвенцыі аб консульскіх зносінах ад 24 красавіка 1963 года, абмяняліся думкамі па пытаннях рэалізацыі Канвенцыі аб прававой дапамозе і прававых адносінах па грамадзянскіх, сямейных і крымінальных справах ад 22 студзеня 1993 года, а таксама іншых канвенцый, у тым ліку двухбаковых консульскіх канвенцый, заключаных дзяржавамі - удзельніцамі Садружнасці.

Удзельнікі Кансультатыўнага савета прызналі неабходнасць абмену адпаведнай інфармацыяй паміж упаўнаважанымі органамі дзяржаў СНД па пытаннях, што ўваходзяць у іх кампетэнцыю, а таксама ўзаемнага прызнання выдадзеных імі дакументаў у рамках адпаведных палажэнняў канвенцый. Рэкамендавалі актывізаваць прамое супрацоўніцтва і міжведамаснае ўзаемадзеянне паміж бакамі - удзельнікамі канвенцый з выкарыстаннем сучасных каналаў сувязі, у тым ліку ў рамках органаў юстыцыі дзяржаў Садружнасці. Дамовіліся прадаўжаць актуалізацыю пераліку кампетэнтных органаў, упаўнаважаных на ўзаемадзеянне ў рамках рэалізацыі названых канвенцый.

Таксама ўдзельнікі сустрэчы разгледзелі пытанні абароны правоў і інтарэсаў грамадзян, у тым ліку аказання падтрымкі і дапамогі тым, хто часова знаходзіцца, навучаецца і ажыццяўляе працоўную дзейнасць на тэрыторыях краін Садружнасці.

Чарговае пасяджэнне Кансультатыўнага савета кіраўнікоў консульскіх службаў міністэрстваў замежных спраў дзяржаў - удзельніц СНД плануецца правесці ў Кыргызскай Рэспубліцы ў 2023 годзе. -0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі