7 чэрвеня, Мінск /Кар. БЕЛТА/. Беларусь і Манголія пачалі ўжо рэалізацыю дамоўленасцей, дасягнутых у час нядаўняга дзяржаўнага візіту ў гэту краіну Прэзідэнта Беларусі Аляксандра Лукашэнкі. Аб гэтым заявіў журналістам міністр замежных спраў Беларусі Сяргей Алейнік, перадае карэспандэнт БЕЛТА.
"Дзяржаўны візіт Прэзідэнта Беларусі ў Манголію без перабольшання можна назваць гістарычным. Гэта першы візіт кіраўніка беларускай дзяржавы ў гэту краіну. Гэты візіт адкрывае якасна новы этап у развіцці нашых двухбаковых адносін. Ён планаваўся і рыхтаваўся ў рэчышчы нашай стратэгіі па развіцці адносін з краінамі далёкай дугі", - сказаў міністр.
Ён падкрэсліў, што на прыкладзе Манголіі дакладна бачна, як гэта стратэгія ўвасабляецца ў жыццё. Шматгадзінныя стасункі кіраўнікоў дзяржаў у рамках візіту дазволілі ў вельмі дружалюбнай і давернай атмасферы абмеркаваць увесь комплекс двухбаковых адносін, абмяняцца думкамі па глабальных і рэгіянальных пытаннях і, самае галоўнае, вызначыць стратэгію далейшага развіцця адносін.
"У аснове ўсяго, вядома, эканоміка. І пытанням гандлёва-эканамічнага супрацоўніцтва была ўдзелена найбольшая ўвага. Нашы эканомікі з Манголіяй узаемадапаўняльныя. Гэта дае магчымасць нам арганічна сумяшчаць патэнцыялы нашых эканомік і рэалізоўваць узаемавыгадныя праекты гандлёва-эканамічнага супрацоўніцтва", - адзначыў міністр.
Паводле яго слоў, у рамках візіту падпісана каля 30 двухбаковых дакументаў. "Безумоўна, галоўным, асноватворным дакументам з'яўляецца дагавор аб дружбе і супрацоўніцтве паміж Рэспублікай Беларусь і Манголіяй. Падпісаны шэраг камерцыйных кантрактаў і кантрактных дамоўленасцей, міжведамасных і міжурадавых пагадненняў, якія пакрываюць шырокае кола пытанняў у сферах сельскай гаспадаркі, адукацыі, навукі, бяспекі і праваахоўнай дзейнасці, надзвычайных сітуацый, турызму, інтэлектуальнай уласнасці, - сказаў кіраўнік МЗС. - І той пакет камерцыйных кантрактаў і дамоўленасцей, які быў падпісаны на палях бізнес-форуму, дае магчымасць нам ацэньваць эканамічны эфект гэтага візіту ў сярэднетэрміновай перспектыве ў некалькі дзясяткаў мільёнаў долараў ЗША. А ў доўгатэрміновай перспектыве, у выпадку якаснай сумеснай рэалізацыі ўсіх праектаў, гэта лічба можа быць істотна павялічана".
Падпісана дарожная карта па развіцці супрацоўніцтва Беларусі і Манголіі на 2024-2026 гады. Яна змяшчае больш за 50 мерапрыемстваў і праектаў у 16 сектарах і сферах дзейнасці. "Гэта магістральны дакумент, які неабходна якасна рэалізаваць і вывесці наша двухбаковае супрацоўніцтва на новы ўзровень", - заявіў Сяргей Алейнік.
Міністр расказаў, што на парадку дня праекты прамыслова-тэхналагічнай кааперацыі, сельскай гаспадаркі. Напрыклад, у дні візіту была закладзена капсула ў будаўніцтва малочнатаварнай фермы па беларускіх тэхналогіях. І ў цэлым прысутнічае вялікая цікавасць з боку мангольскіх партнёраў да развіцця супрацоўніцтва ў галіне сельскай гаспадаркі, забеспячэння харчовай бяспекі. Гэтым пытанням у ходзе візіту ўдзелена асаблівая ўвага, адносна сферы сельскай гаспадаркі падпісана асобная дарожная карта.
Бакі дамовіліся таксама развіваць супрацоўніцтва і ў іншых сферах, у тым ліку ёсць разуменне аб неабходнасці выбудоўваць міжрэгіянальнае ўзаемадзеянне.
"Радасна, што мы неадкладна пачалі рэалізацыю дасягнутых дамоўленасцей, і літаральна на наступны дзень пасля завяршэння дзяржаўнага візіту Прэзідэнта Рэспублікі Беларусь вялікая дэлегацыя Манголіі ў колькасці 40 чалавек на чале з міністрам сельскай гаспадаркі і лёгкай прамысловасці Манголіі накіравалася ў Мінск для ўдзелу ў міжнароднай выстаўцы "Белагра". У гэтыя дні якраз праходзяць сустрэчы, перагаворы беларускіх суб'ектаў гаспадарання з мангольскімі партнёрамі. Упэўнены, што гэтыя перагаворы прывядуць да дадатковых дамоўленасцей", - падкрэсліў міністр.
Сяргей Алейнік у цэлым бачыць узаемную цікавасць да развіцця супрацоўніцтва з мангольскім бокам: "Гэта было цалкам відавочна і ў рамках міжгаліновых і сектаральных кантактаў. Гэта зусім выразна прасочвалася на ўсіх этапах двухбаковых перагавораў".
Міністр адзначыў, што бакам неабходна працаваць над паляпшэннем умоў узаемнага гандлю, рэалізацыяй праектаў прамыслова-тэхналагічнай кааперацыі.
Сяргей Алейнік асобна згадаў пра рашэнне Вышэйшага Еўразійскага эканамічнага савета ад 8 мая бягучага года аб пачатку перагавораў з Манголіяй па пытанні заключэння часовага пагаднення аб гандлі. "Мы разлічваем завяршыць узгадненне часовага пагаднення да канца гэтага года. На агульную нашу думку з мангольскімі калегамі, партнёрамі па ЕАЭС, яно адкрые якасна новыя магчымасці і прывядзе да істотнага павелічэння тавараабароту і стварэння больш спрыяльных умоў для гандлю за кошт зняцця пошлін і бар'ераў", - заявіў кіраўнік МЗС.-0-
"Дзяржаўны візіт Прэзідэнта Беларусі ў Манголію без перабольшання можна назваць гістарычным. Гэта першы візіт кіраўніка беларускай дзяржавы ў гэту краіну. Гэты візіт адкрывае якасна новы этап у развіцці нашых двухбаковых адносін. Ён планаваўся і рыхтаваўся ў рэчышчы нашай стратэгіі па развіцці адносін з краінамі далёкай дугі", - сказаў міністр.
Ён падкрэсліў, што на прыкладзе Манголіі дакладна бачна, як гэта стратэгія ўвасабляецца ў жыццё. Шматгадзінныя стасункі кіраўнікоў дзяржаў у рамках візіту дазволілі ў вельмі дружалюбнай і давернай атмасферы абмеркаваць увесь комплекс двухбаковых адносін, абмяняцца думкамі па глабальных і рэгіянальных пытаннях і, самае галоўнае, вызначыць стратэгію далейшага развіцця адносін.
"У аснове ўсяго, вядома, эканоміка. І пытанням гандлёва-эканамічнага супрацоўніцтва была ўдзелена найбольшая ўвага. Нашы эканомікі з Манголіяй узаемадапаўняльныя. Гэта дае магчымасць нам арганічна сумяшчаць патэнцыялы нашых эканомік і рэалізоўваць узаемавыгадныя праекты гандлёва-эканамічнага супрацоўніцтва", - адзначыў міністр.
Паводле яго слоў, у рамках візіту падпісана каля 30 двухбаковых дакументаў. "Безумоўна, галоўным, асноватворным дакументам з'яўляецца дагавор аб дружбе і супрацоўніцтве паміж Рэспублікай Беларусь і Манголіяй. Падпісаны шэраг камерцыйных кантрактаў і кантрактных дамоўленасцей, міжведамасных і міжурадавых пагадненняў, якія пакрываюць шырокае кола пытанняў у сферах сельскай гаспадаркі, адукацыі, навукі, бяспекі і праваахоўнай дзейнасці, надзвычайных сітуацый, турызму, інтэлектуальнай уласнасці, - сказаў кіраўнік МЗС. - І той пакет камерцыйных кантрактаў і дамоўленасцей, які быў падпісаны на палях бізнес-форуму, дае магчымасць нам ацэньваць эканамічны эфект гэтага візіту ў сярэднетэрміновай перспектыве ў некалькі дзясяткаў мільёнаў долараў ЗША. А ў доўгатэрміновай перспектыве, у выпадку якаснай сумеснай рэалізацыі ўсіх праектаў, гэта лічба можа быць істотна павялічана".
Падпісана дарожная карта па развіцці супрацоўніцтва Беларусі і Манголіі на 2024-2026 гады. Яна змяшчае больш за 50 мерапрыемстваў і праектаў у 16 сектарах і сферах дзейнасці. "Гэта магістральны дакумент, які неабходна якасна рэалізаваць і вывесці наша двухбаковае супрацоўніцтва на новы ўзровень", - заявіў Сяргей Алейнік.
Міністр расказаў, што на парадку дня праекты прамыслова-тэхналагічнай кааперацыі, сельскай гаспадаркі. Напрыклад, у дні візіту была закладзена капсула ў будаўніцтва малочнатаварнай фермы па беларускіх тэхналогіях. І ў цэлым прысутнічае вялікая цікавасць з боку мангольскіх партнёраў да развіцця супрацоўніцтва ў галіне сельскай гаспадаркі, забеспячэння харчовай бяспекі. Гэтым пытанням у ходзе візіту ўдзелена асаблівая ўвага, адносна сферы сельскай гаспадаркі падпісана асобная дарожная карта.
Бакі дамовіліся таксама развіваць супрацоўніцтва і ў іншых сферах, у тым ліку ёсць разуменне аб неабходнасці выбудоўваць міжрэгіянальнае ўзаемадзеянне.
"Радасна, што мы неадкладна пачалі рэалізацыю дасягнутых дамоўленасцей, і літаральна на наступны дзень пасля завяршэння дзяржаўнага візіту Прэзідэнта Рэспублікі Беларусь вялікая дэлегацыя Манголіі ў колькасці 40 чалавек на чале з міністрам сельскай гаспадаркі і лёгкай прамысловасці Манголіі накіравалася ў Мінск для ўдзелу ў міжнароднай выстаўцы "Белагра". У гэтыя дні якраз праходзяць сустрэчы, перагаворы беларускіх суб'ектаў гаспадарання з мангольскімі партнёрамі. Упэўнены, што гэтыя перагаворы прывядуць да дадатковых дамоўленасцей", - падкрэсліў міністр.
Сяргей Алейнік у цэлым бачыць узаемную цікавасць да развіцця супрацоўніцтва з мангольскім бокам: "Гэта было цалкам відавочна і ў рамках міжгаліновых і сектаральных кантактаў. Гэта зусім выразна прасочвалася на ўсіх этапах двухбаковых перагавораў".
Міністр адзначыў, што бакам неабходна працаваць над паляпшэннем умоў узаемнага гандлю, рэалізацыяй праектаў прамыслова-тэхналагічнай кааперацыі.
Сяргей Алейнік асобна згадаў пра рашэнне Вышэйшага Еўразійскага эканамічнага савета ад 8 мая бягучага года аб пачатку перагавораў з Манголіяй па пытанні заключэння часовага пагаднення аб гандлі. "Мы разлічваем завяршыць узгадненне часовага пагаднення да канца гэтага года. На агульную нашу думку з мангольскімі калегамі, партнёрамі па ЕАЭС, яно адкрые якасна новыя магчымасці і прывядзе да істотнага павелічэння тавараабароту і стварэння больш спрыяльных умоў для гандлю за кошт зняцця пошлін і бар'ераў", - заявіў кіраўнік МЗС.-0-
