12 красавіка, Мінск /Кар. БЕЛТА/. Беларусь выступае за адкрыты, непрадузяты падыход у выбудоўванні дыялогу з Венгрыяй. Аб гэтым заявіў міністр замежных спраў Беларусі Сяргей Алейнік у Будапешце 12 красавіка на пасяджэнні беларуска-венгерскай міжурадавай камісіі па эканамічным супрацоўніцтве, паведамляе карэспандэнт БЕЛТА.
"Мы шчыра ўдзячны венгерскаму боку за магчымасць правядзення гэтага пасяджэння ў Будапешце, - сказаў Сяргей Алейнік. - Падняцце ўзроўню сустаршынства ў камісіі да міністраў, якія адказваюць у тым ліку за знешнеэканамічную дзейнасць, з'яўляецца яркім пацвярджэннем наяўнасці палітычнай волі на прадаўжэнне ўзаемадзеяння і нацэленасці на актыўнае развіццё гандлёва-эканамічнага супрацоўніцтва".
"Таму мы вельмі высока цэнім тое, што, нягледзячы на складаны геапалітычны кантэкст, нашы падыходы захоўваюць непрадузятую пазіцыю, адкрыты, прагматычны падыход у выбудоўванні двухбаковых адносін, - дадаў кіраўнік беларускага МЗС. - Мы са свайго боку таксама з'яўляемся прыхільнікамі прынцыпаў раўнапраўнага і ўзаемапажлівага дыялогу, вітаем дружалюбныя кантакты, ініцыятывы і гатовы абмяркоўваць, знаходзіць рашэнні самых складаных пытанняў".-0-
